Ungdata

Ungdata er ei undersøking som gir eit breitt bilete av korleis ungdom har det og kva dei driv med i fritida.

I våren 2024 blir Ungdata-undersøkinga gjennomført i barneskulen, ungdomskulen og vidaregåande skule i nesten alle kommunane i Vestland fylke. Når alle gjennomfører på same tid, får vi svært gode resultat på fylkesnivå, og moglegheit for å sjå på geografiske forskjellar. Ungdata er eit stort og viktig kunnskapsgrunnlag for kartlegging, analyse og planlegging i kommunane og i fylket.

Ungdataundersøkinga er gjennomført av NOVA ved OsloMet i samarbeid med dei regionale kompetansesentra for rusfeltet (KoRus). Ungdata er finansiert over statsbudsjettet gjennom tilskot frå Helsedirektoratet. Undersøkinga i Vestland er eit samarbeid mellom NOVA ved OsloMet, KoRus Vest Bergen, Vestland fylkeskommune og kommunane i fylket.

Les meir om undersøkinga på Ungdata sin nettside. 

Resultata frå Ungdata 2021

Ungdata-undersøkinga var siste gong gjennomført i våren 2021 i barneskulen, ungdomskulen og vidaregåande skule i nesten alle kommunane i Vestland fylke. Om lag 48 000 barn og ungdom i Vestland har svart på undersøkinga.

Nøkkeltalrapport

Nøkketalsrapportane presenterer hovudresultata frå undersøkinga. I rapportane er det presentert kva gutar og jenter har svart på spørsmåla, og om der er forskjellar mellom ungdom på ulike klassetrinn. Vidare blir resultantane for 2021 samanlikna med landsrepresentative tal.

Nøkkeltalrapportane for Vestland er utarbeida av Ungdatasenteret v/ Velferdsfordkningsinstituttet NOVA, OsloMet Storbyuniversitet, i samarbeid med KoRus Vest Bergen.

Korona

I årets undersøking var det inkludert spørsmål knytt til korona og korleis ungdommen har opplev pandemien. I presentasjonane under finn de ungdommen sine svar på dei koronarelaterte spørsmål i undersøkinga. 

Vestlandspakka

I 2021 utarbeiddde Vestland fylkeskommune ei vestlandspakke med tilleggsspørsmål, som var obligatorisk for alle vidaregåande skuler, og anbefalt for ungdomskulane. I rapporten under presenterer vi svara frå spørsmål i vestlandspakka i vidaregåande skule.

Presentasjonane av vestlandspakka er utarbeidd av Vestland fylkeskommune. NOVA er ikkje ansvarleg for analysar eller fortolkingar av resultata.