Internasjonalt kommunenettverk Vestland

Tilsette i kommunar og regionråd innafor fag- og tenesteområda som kan ha nytte av samarbeid med europeiske partnarorganisasjonar kan delta i denne nettverksgruppen.

Internasjonalt kommunenettverk Vestland

er eit nettverk for kommunar og regionråd som ønsker å bruke internasjonalt samarbeid og EU/EØS-program som verkemiddel i lokalt og regionalt utviklingsarbeid, som reiskap til ny kunnskap, god praksis, metodar og nettverk. Målsettinga er å skape ein plattform for erfaringsutveksling og kompetansebygging om korleis ein kan nytte desse verkemidlane. Nettverket blei etablert i 2018, fylkeskommunen er koordinator og har eigne EU-midlar som blir lyst ut i vettverket.

Felles europeiske utfordringar

Utviklingsplan for Vestland 2020-24 og Strategi for internasjonalt samarbeid 2020-24 peiker begge på  at internasjonalt samarbeid er viktig for å nå måla med å utvikle Vestland til ein berekraftig og nyskapande region. Vi står ovanfor felles globale samfunnsutfordringar og det er naudsynt å samarbeide for å finne nye og betre løysingar. Deltaking i EU/EØS-prosjekt og anna europeisk samarbeid er nettopp ei arena for dette, både gjennom digitale og fysiske prosjektmøte og aktivitetar.

Målgruppe og tema

Nettverket er for tilsette i kommunar og regionråd som ønskjer å nytte av europeiske samarbeid i sitt utviklingsarbeid. Det passar både for deltakarar med og utan tidlegare erfaring med EU-prosjekt og internasjonalt samarbeid. På møter med særskilte tema blir også andre aktuelle deltakarar invitert.

Kommunane bestemmer prosjekttema ut frå eige ønskje og behov, og det kan vere innafor dei fleste av kommunane sine ansvarsområde. Til dømes står grønt skifte, digitale løysingar, reiseliv, helse, næringsutvikling og sosial inkludering høgt på den politiske agendaen både i EU og Noreg. Utlysingane i programma er i tråd med dette, og legg vekt på at lokalt og regionalt tverrsektorielt samarbeid er naudsynt for å løyse framtidas utfordringar.

Prosjekttypar

EU-programma støttar både enkle og større prosjekt. I nettverket har vi lagt spesiell vekt på korleis Erasmus+ programmet kan brukast i utviklingsarbeid, både i fleirårige prosjekt og i mindre mobilitetsprosjekt med korte besøk og/eller digitale møte med europeiske  partnarar. Dei fleste som deltek i nettverket har til no starta med mobilitetsprosjekt. På samlingane presenterer vi og andre typar EU/EØS-program og prosjekttypar etter behov og når det er aktuelt.


Utlysing av EU- midlar

Fylkeskommunen lyser årleg ut midlar til "Tverrsektorielle samarbeidsprosjekt", som er ein del av ei større løyving som fylkeskommunen har fått innanfor Erasmus+ programmet. Formålet er å styrke lokalt og europeisk samarbeid om å utvikle kompetanse og opplæringstilbod i tråd med lokale behov.
Midlane finansierer korte besøk og digitale møte med europeiske partnarorganisasjonar for utveksling av erfaringar, god praksis og metodar. Prosjekttema kan vere innanfor dei fleste av kommunane sine ansvarsområde; til dømes reiseliv, lokalmat, helse, akvakultur, grøn vekst, energi, digitalisering, inkludering med meir.
Her finn de meir informasjon om midlane og søknadskjema når det blir lagt ut våren 2021.

Diku finn de meir informasjon om både Erasmus+ og andre EU/EØS-program.

Nettverket legg opp til både digitale og fysiske samlingar som er retta inn mot å få sendt inn søknadar til ulike fristar.  Viktige punkt på samlingane er gjennomgang av aktuelle EU-program, eksempel på prosjekt (god praksis), korleis bygge lokale og europeiske partnarskap, utvikle prosjekt og skrive søknadar.

Internasjonalt kommunenettverk samling 17. mars 2021 - Tema: Reiseliv

Program

Kl. 10.00 Velkomen og innleiing
Kathrin Jakobsen, seksjonssjef forsking, kompetanse og internasjonalisering (FKI), Vestland fylkeskommune
Kl. 10.10 Reiselivsprosjekt med Erasmus+
Jostein Eitrheim, leiar, Hardangerrådet
Kl. 10.20 Erasmus+ i tre tinn – tverrsektorielle samarbeidsprosjekt
Arne Monrad Johnsen, seniorrådgjevar, FKI
l. 10.30 Erasmus+prosjekt for reiselivet i Sogn? (Erasmus+ i tre trinn - bilete 2)
Ståle Brandshaug, leiar, Visit Sognefjord
Kl. 10.40 Handlingsplan reiseliv og framtidige utfordringar - rekruttering og kompetanse mm. v/Endre Høgalmen, seksjonssjef naturressursar, landbruk og reiseliv, Vestland fylkeskommune
Kl. 10.50 Vidaregåande skule– internasjonalt samarbeid om rekruttering og kompetanseutvikling v/Trond Remme, internasjonal koordinator, Voss vidaregåande skule og Voss gymnas
Kl. 11.00 Sustainable tourism in Slovenia
Helena Cvenkel, Director for research and development, BSC Kranj, Regional Development Agency of Gorenjska (Slovenia)
Kl. 11.10 Utlysing av Erasmus+ midlar
Marit Einen, seniorrådgjevar, FKI
Kl. 11.20 Neste steg og spørsmål
Kl. 11.30 Slutt

Internasjonalt kommunenettverk Vestland  - samling 10. desember 2020 - Tema: Ny programperiode Erasmus+ 2021-2027

Program

10.30 Velkomen og utvikling av temabaserte samlingar i nettverket v/seksjonsleiar Kathrin Jakobsen, Vestland fylkeskommune (VLFK)
10.40 Døme på Erasmus+ tverrsektorielt gruppeprosjekt: Erfaring frå reiselivsprosjekt i Slovenia v/ leiar Jostein Eitrheim, Hardangerrådet. Kort innleiing v/ Arne Monrad Johnsen, seniorrådgivar, VLFK
11.00 EARLALL - European Association of Regional and Local Authorities for Lifelong Learning -Tenester og samarbeid v/ leiar Noelia Cantero. VLFK er medlem 
11.10 Kort om «Green Deal» i politikk og prosjekt v/ leiar Merete Mikkelsen, Vest-Norges Brusselkontor
11.20 Erasmus+ programmet 2021-27 og utlysing av Erasmus+ prosjektmidlar via fylkeskommunen v/ Marit Einen, seniorrådgivar, VLFK  
11.40 Innspel til relevante tema i nettverket framover v/ Barbara Harterink, seniorrådgivar, VLFK
11.50  Avslutning  og vegen vidare v/ Kathrin Jakobsen
12.00 Slutt

 

 

Aktuelle tema for kommunane har til no vore innan:

  • helse og omsorg
  • lokalsamfunnsutvikling
  • entreprenørskap
  • reiseliv
  • grøn vekst
  • akvakultur
  • klimautfordringar
  • skule- og bibliotekutvikling
  • vaksenopplæring, ungdomsarbeid
  • integrering og inkludering

Fleire tema og ulike partnarskap er aktuelle ut frå målsettinga med dei ulike programma. Det er og særs viktig at prosjekta er godt forankra i kommuneleiinga.

Tverrsektorielle samarbeidsprosjekt – finansiering
Det blir gitt tilsegn etter faste EU-satsar, som blir rekna ut etter kva det er søkt om. Midlane dekker omlag 80-100 % av reise- og opphaldsutgiftene. Det er ikkje midlar til løn.

  • Opphald/hospitering
    Satsar per person, per dag for reiser til:
    Group 1: Denmark, Luxembourg, United Kingdom, Iceland, Sweden, Ireland, Finland, Liechtenstein - 180 Euro
    Group 2: Netherlands, Austria, Belgium, France, Germany, Italy, Spain, Cyprus, Greece, Malta, Portugal -160 Euro
    Group 3: Slovenia, Estonia, Latvia, Croatia, Slovakia, Czech Republic, Lithuania, Turkey, Hungary, Poland, Romania, Bulgaria, Rep. of North Macedonia, Serbia – 140 Euro
  • Reiseutgifter – faste satsar: 
    Per person frå Noreg t.o.m. Nord-Italia: 275 Euro tur/retur.
    Til Sør-Europa 365 Euro tur/retur

  • Digitale møte – kan kombinerast med reiser. 
    Det er mogleg å få finansiert digitale møte med europeisk partnarorganisasjon. Det er krav til eit godt fagleg program, med varigheit på 8 timar, fortrinnsvis fordelt på to dagar. Møta skal sendast frå europeisk samarbeidspartnar. Det er anbefalt å overføre deler av prosjektmidlane til denne partnaren. 350 Euro per norske deltakar i slike møte.