Godkjenning av opplæringskontrakt - lærekandidatar

Føremål

Rutina skal sikre lik handsaming av opplæringstid for kandidatar som nyttar lærekandidatordninga. Lærekandidatar med ungdomsrett, ikkje rett og vaksne.

Lærekandidatordninga gjev grunnkompetanse, ungdom som har eller vil få utfordringar med å nå full yrkes- eller studiekompetanse, kan leggja opp eit løp mot grunnkompetanse. Vurdering og avklaring om ein skal leggja opp til eit utdanningsløp med grunnkompetanse som mål, skal skje i eit samarbeid mellom elev, skule, føresette og eventuelt rettleiingstenesta.

Ordninga er basert på dei same prinsippa som hovudmodellen i fag- og yrkesopplæringa, eit fireårig utdanningsløp, med to år i skule og to år læretid i bedrift. Når det gjeld den teoretiske opplæringa er det i utgangspunktet ikkje krav til bestått i felles- eller programfag for å vera ein del av lærekandidatordninga. Ved avvik frå ordinær opplæringsmodell i faget må fylkeskommunen vurdere kvar einskilt sak, jamfør § 3-3 i opplæringslova.

Opplæringa må skje innan eit programområde og ein må velja eit fag innan dette programområde når ein skal teikna ein opplæringskontrakt med ein bedrift. Fleksibiliteten i lærekandidatordninga gjer det mogeleg med ulike løysingar, t.d. heile opplæringa i bedrift, eller eitt år i skule og tre år i bedrift.

Lærekandidatar får tilpassa opplæring med redusert læreplan med eit utval av måla. Kompetansemåla blir valt ut på førehand, og lærebedrifta må lage ein intern plan for opplæringa som er tilpassa for lærekandidaten. Planen skal innehalde måla og kva tiltak som er nødvendige for å nå måla.

Den langsiktige, realistiske målsettinga med opplæringa og kandidaten sine framtidige moglegheiter på arbeidsmarknaden må tydeleggjerast. Intern plan for opplæringa må evaluerast og reviderast i samband med halvtårsvurdering eller etter behov.