Har du innspel til planarbeidet?
Vi ynskjer lokal medverknad i tidleg fase, og difor legg vi til rette for ein digital innbyggjardialog. Her kan grunneigarar og bebuarar i området peike på punkt som har utfordringar, og teikne inn areal som det bør takast spesielle omsyn til i planlegginga.
Meir informasjon om digital innbyggjardialog.
Mål og bakgrunn
Målet med utbetringa er at den skal gje betre framkomst, redusert reisetid og samanhengande god vegstandard mellom Høyanger og Vadheim. Betre standard vil også gje betre trafikktryggleik , og gjer vegen lettare å drifte.
Det er mange som pendlar på denne streikninga, og det nærmaste trafikkteljingspunktet viser ein årsdøgntrafikk (ÅDT) på over 1400 i 2022.
Fleire stader vil det bli naudsynt å leggja om og/eller etablere nye tilkomstvegar og avkøyrsler då ny veglinje kuttar eksisterande tilkomst. Gode løysingar for kryss, avkøyrsler og sidevegar må utarbeidast i reguleringsplan. Det vil bli behov for tre nye bruer: ny bru over Galdergrova ved Natvik, ny bru over elv ved Frivika og ny bru over Ljotebøelvi ved Tronvik.
Det er parsellen Ulvåna-Merket som har dei største utfordringane, både når det gjeld framkomst og trafikksikkerheit. Parsellen Merket-Tronvik har ein noko betre standard og går i eit lettare terreng, her er det i hovudsak berre breiddeutviding av eksisterande veg og bru.