For studentane

Fagskuleutdanning er høgare yrkesfagleg utdanning på nivå over vidaregåande opplæring. Utdanningane er yrkesretta og skal i stor grad svara på arbeidslivet sitt behov for kompetanse.

Fagskuleutdanninga skil seg frå anna høgare utdanning mellom anna ved at du kan søke opptak på grunnlag av fullført fagbrev og realkompetansevurdering. 

Mange av utdanningstilboda er deltidstilbod med nettstøtte og samlingar. Desse tilboda tar høgde for at du skal kunne kombinere jobb og utdanning. Andre tilbod er fulltidsstudie med oppmøte på utdanningsstaden og nokon tilbod er heilt nettbaserte.

Du kan søkje opptak til alle offentlege fagskular og nokre private fagskular ved Samordna opptak www.samordnaopptak.no.  Tilboda som ikkje er søkbare via samordna opptak kan du søke på via fagskulen si eiga nettside. 

Søknadsfrist for dei fleste tilboda er 15. april. Det er nokre unntak som har søknadsfrist 1. mars. Dei finn du her. Om du vil søke opptak til private fagskular som ikkje nyttar samordna opptak, må du gå inn på nettsida til skulen det gjelder. Lenger nede finn du ein oversikt over skular med studiestad i Vestland fylke. 

Sjå gjerne nettsida til utdanning.no for å få betre oversikt over kva fagskule er og kva tilbod som er aktuelle nasjonalt og fylkesvis. 

Ta kontakt med respektive fagskule om du har spørsmål til dei einskilde studietilboda eller opptaket.