Oral kirurgi og oral medisin

Kva er oral kirurgi og oral medisin?

Oral kirurgi og oral medisin er diagnostikk og kirurgisk/medisinsk behandling av sjukdomar i munnhola, kjevane og tilgrensa delar av ansiktet. Studiet krev fem år spesialisering etter fullført tannlegeutdanning.

Behandling

Ventetid før du kan få behandling: 3-4 mnd

Oral medisinsk

Diagnostisering og behandling av patologiske tilstandar som kan førekoma i munnhole og kjeve/ansikts-regionen. Slimhinneendringar/plager, virus og bakterieinfeksjonar, smerte-tilstandar og kjeveleddsproblem.

Oral kirurgisk

Operasjon av visdomstenner, retinerte tenner, tannkirurgi/rotspissamputasjonar, cystectomi, laserkirurgi, tanntransplantasjonar, blautvevsplastikk, beinoppbygningar, biopsiar og implantatbehandling.

Tilvisingsrutinar for oral kirurgi og oral medisin

Pasientar som har behov for spesialistbehandling i oral kirurgi og oral medisin, kan tilvisast til Tannhelsetenesta kompetansesenter Vestland.

Tilvisinga skal innehalde all nødvendig informasjon for å sikre trygg og effektiv behandling. Dersom tilvisinga gjeld visdomstenner, skal ALLE visdomstennene vere vurderte eller nemnde!

Tilvisinga skal innehalde:

• • Namn, fødselsnummer og adresse
  • Førebels diagnose
  • Årsak til tilvisinga
  • Relevante røntgenbilete
  • Symptoma til pasienten
  • Tidlegare behandling
  • Tidlegare og noverande sjukdomar
  • Medikament
  • Allergiar
  • Stimulansia
  • Anna relevant informasjon? (Til dømes språk, behov for assistanse, nedsett rørsleevne, nedsett høyrsel, beinskjørheit, angst, odontofobi, lett for bløding/infeksjon/brekningar, behov for tilvenning, eller andre forhold.)

For private tannlegar

Fullstendig tilvising skal sendast til:

Tannhelsetenesta kompetansesenter Vestland
Postboks 2354 Møllendal
5867 Bergen

For tilsette i tannhelsetenesta i Vestland

Tilvising kan sendast som e-post med journalnummer på pasient, med ei kort problemstilling til henvisningtkv@vlfk.no

I Opus lagar tilvisande tannlege klar fullstendig tilvisning.