Nær 3 millionar til regionalparkar og regionale og nasjonale kulturminne
Hovudutval for kultur, idrett og inkludering fordelte 15. februar driftstilskot til regionalparkar og kulturminne i heile fylket.
Blant kulturminna som får driftsstøtte i 2023 er Singerheimen i Olden, Gamle Vossebanen og Fjelberg Prestegard i Kvinnherad.
1,8 millionar til kulturminne
– Med dette tilskotet ønskjer vi å bidra til at kulturminna blir tekne vare på og ikkje minst at allmenta får lære om og ta del i opplevingar knytt til kulturminna. Det skal ikkje gå til restaurering og vedlikehald, men skal heller stimulere til auka frivillig innsats, og bidra til at kunnskap om kulturminna blir overført til nye generasjonar, seier Stian Davies, leiar for hovudutval for kultur, idrett og inkludering.
Desse regionale og nasjonale kulturminna får driftstilskot i 2023:
- Norsk Jernbane-klubb, Gamle Vossebanen: 284 054 kr
- Kaupanger Hovedgård: 45 000 kr
- Nord- og Midhordland sogelag: 50 000 kr
- Fortidsminneforeningen avd. Hordaland: 250 000 kr
- Stiftinga Singerheimen: 372 000 kr
- Stiftinga Ormelid: 30 000 kr
- Fortidsminneforeningen avd. Sogn og Fjordane: 100 000 kr
- Stiftinga Otternes Bygdetun: 30 000 kr
- Bullahuset v/Carl-Michael Hendriksen Palmér: 190 000 kr
- Stiftinga Gamle Innvik Ullvarefabrikk: 30 000 kr
- Stilftelsen Fjelberg Prestegard: 190 000 kr
- Stiftelsen Lenken, Gestapohuset og Espeland fangeleir: 230 000 kr
Ein million til regionalparkane
Hovudutvalet løyvde også midlar til regionalparkar i Vestland i same møtet. Ein regionalpark er eit avgrensa landskapsområde, som har fått denne statusen på grunn av unik natur- og kulturverdi. Også parkar med UNESCO-godkjenning kan få støtte gjennom denne tilskotsordninga.
Det kom inn fire søknadar om driftstilskot, og alle får støtte. Det betyr at desse regionalparkane frå driftstilskot frå Vestland fylkeskommune i 2023:
- Fjordkysten Regional- og Geopark: 258 750 kr
- Geopark Sunnhordland: 258 750 kr
- Nordhordland UNESCO Biosfære: 258 750 kr
- Nærøyfjorden Verdsarvpark: 258 750 kr
– Vi oppretta denne tilskotsordninga i 2021 fordi vi som fylkeskommune skal med og sikre både natur- og kulturressursar i fylket. Parkane er viktige for både frivilligheit og sosial verdiskaping gjennom partnarskap, samhandling og medverknad. Målet er å sikre berekraftig utvikling på natur- og kulturressursane som finst rundt oss, seier Davies.