Mange nye lister til fylkestingsvalet i Vestland
Ved utløpet av fristen fredag 31. mars kl. 12.00 hadde 23 parti stilt liste til det nye fylkestinget i Vestland til hausten. Det er seks lister fleire enn ved fylkestingsvalet for fire år sidan. 12 av dei 23 stilte liste ved førre val og 11 lister er nye.
Dei 11 nye listene er: Folkepartiet, Industri- og næringspartiet, Bergenslisten, Folkets Parti, Partiet Sentrum, Konservativt, Innovasjon- og teknologilisten, Generasjonspartiet, Kystpartiet, Folkestyrelisten, og Alliansen - Alternativ for Norge.
Fem lister som stilte ved førre val, stiller ikkje i år. Det er: Piratpartiet, Partiet De Kristne, Helsepartiet, Norges Kommunistiske Parti og Folkeaksjonen Nei til meir bompenger.
Oversyn over listene til fylkestingsvalet (i den rekkefølgje dei er levert inn):
- Folkepartiet
- Kristeleg Folkeparti
- Fremskrittspartiet
- Miljøpartiet De Grønne
- Norgesdemokratene
- Senterpartiet
- Høyre
- Industri- og næringspartiet
- Bergenslisten
- SV - Sosialistisk Venstreparti
- Pensjonistpartiet
- Arbeidarpartiet
- Folkets Parti
- Raudt
- Partiet Sentrum
- Venstre
- Liberalistene
- Konservativt
- Innovasjon- og teknologilisten
- Generasjonspartiet
- Kystpartiet
- Folkestyrelisten
- Alliansen - Alternativ for Norge
65 representantar
Til det nye Vestland fylkesting skal det veljast 65 representantar.
Valet til kommunestyre og fylkesting er måndag 11. september. I enkelte kommunar også søndag 10. september.