Vil ha utsleppfrie drosjar frå 2024

Vestland fylkesutval ønskjer å innføre utsleppsfrie drosjar i alle kommunar i tidlegare Hordaland frå 1. april 2024.

OMSTILLING: Drosjane er på veg til å bli utsleppsfrie.
OMSTILLING: Drosjane er på veg til å bli utsleppsfrie.
Av Bjarte Brask Eriksen Publisert Endra

Kravet skal gjelde drosjar registrert for inntil ni personar. Drosjenæringa får ei overgangstid på fire år til å omstille seg. Fylkeskommunen set ikkje krav om teknologi. Det medfører at elektrisitet eller hydrogen er aktuelle energikjelder.

Hjelpe til med infrastruktur

Fylkeskommunen vil gå aktivt inn for å hjelpe til med utbygging av infrastruktur for ladarar. Pr. i dag er to ladestasjonar ekslusivt for drosjar bygt ved busstasjonen i Bergen sentrum og på Flesland. Vidare er det i gang bygging av ladestasjonar hos drosjesentralane i samarbeid med fylkeskommunen. I februar opnar den første med 50 ladepunkt hos Taxi1 i Godvik.

Utvalet ber om at administrasjonen startar utgreiing om det er mogeleg å innføre tilsvarande krav i samtlege kommunar i Vestland fylke. Arbeidet med å bygge ut ladeinfrastruktur i heile Vestland fylke skal halde fram. Alle kommunar i fylket skal stille likt for støtte og investering i utbygging av ladeinfrastruktur. I 2022 skal administrasjonen legge fram status for utbygginga.

Til fylkestinget

Tilrådinga vart gjort mot dei to røystene til Frp og dei to røystene til FNB.

Saka blir endeleg avgjort av fylkestinget 3. mars.