Desse får kunstnarstipend
17 kunstnarar får 40 000 kr kvar i kunstnarstipend frå Vestland fylkeskommune i 2020.
Hovudutval for kultur, idrett og integrering vedtok tildelinga av kunstnarstipend 15. oktober. Gjennom stipenda vil fylkeskommunen bidra til eit berekraftig og levande kunstliv i fylket. Det er eit verkemiddel for å styrke vilkåra for kunstnarane og produksjonane deira
– Vi vil gje skapande og utøvande kunstnarar høve til å utvikle seg eller fordjupe seg fagleg for å eksperimentere med nye uttrykk. Gratulerer til alle som no får stipend! Vi ser fram til å følgje uttrykk og produksjon vidare, seier Stian Davies, leiar for hovudutvalet.
Desse har fått stipend i dei ulike kunstartane
Visuell kunst
- Arne Rygg
- Brynhild Grødeland Winther
- Linda Morell
- Laurie Lax
- Maria Victoria Høvring Høeg
- Åse Ljones
Scenekunst
- Jeff Pedersen
- Jingy Wang
- Karen Eide Bøen
Film og litteratur
- Kjersti Rasmussen
- Lars Svisdal
- Sandra Lillebø
- Thomas Endresen
Musikk
- Hilde Anine Hasselberg
- Njål Paulsberg
- Snorre Bjerck
- Thea Hjelmeland
Fagkomitear har vurdert søknadane
Vestland fylkeskommune fekk inn 138 søknadar om kunstnarstipend i år. Det var 45 søknadar innan visuell kunst, 33 innan musikk, 36 innan litteratur og film og 24 innan scenekunst.
Fagkomitear for dei ulike kunstartane vurderte søknadane og kom med ei innstilling til hovudutvalet om kven som burde får stipend.