Kurs om debatt med ungdom i biblioteket

Gjennom samarbeid mellom lokalavis, bibliotek, ungdomsråd og vidaregåande skular kan biblioteket nå endå fleire unge og bidra til at endå fleire tar del i den offentlege samtalen før stortingsvalet til hausten.

 I dette digitale kurset får du høyre om:
• korleis arrangera debattmøte med ungdom
• korleis leia debattar og samtalar
• korleis samarbeida med lokalaviser
• korleis få ungdom til å koma på debatt
• intervjuteknikk

Kurset passar for deg som ønskjer å laga til fleire ungdomsarrangement i biblioteket, og som vil læra meir om å leia samtalar og debattar.

Kurshaldar:
Svein Olav Langåker, redaktør i Framtida.no og dagleg leiar i Landssamanslutninga av nynorskkommunar. Han har kursa over 3000 ungdommar i debatt og vore med på å arrangera debattar for ungdom i mange folkebibliotek.