Innspelsmøte: Regional plan for verdiskaping og kompetanse og Regional plan for areal og mobilitet

Vestland fylkeskommune inviterte til digitalt innspelsmøte om planprogramma for Regional plan for verdiskaping og kompetanse og Regional plan for areal og mobilitet, som no er sendt på høyring med frist 10. oktober. Du kan sjå møta i opptak.

Publisert Endra

Vestland fylkeskommune har starta arbeidet med to nye regionale planar:

  • Regional plan for verdiskaping og kompetanse skal gi rammer, prinsipp og føringar for utvikling av næringsliv, arbeidsplassar og kompetanse i fylket.

  • Regional plan for areal og mobilitet skal fastsetje strategiske føringar for utbyggingsmønster, arealforvaltning og transportstruktur i Vestland.

Opptak av innspelsmøtet 9. september

 

På møtet som du no kan sjå i opptak får du ei innleiing frå fylkesdirektøren og presentasjonar frå prosjektleiarane for planane. Det blir lagt opp til korte innlegg, dialog og gruppesamtalar. Her kan du få informasjon om planprogramma, stille spørsmål og gi innspel til arbeidet. På agendaen er mellom anna innlegg frå:

  • Sondre Olsen, politisk rådgjevar i NHO Vestland
  • Øyvind Midtbø Berge, prorektor for nyskaping og regional utvikling, Høgskulen på Vestlandet
  • Alf Helge Greaker, samfunnsplanleggar, Bømlo kommune