Indre bru
Delstrekning 1b, 1c og 2a. Her kryssar to gamle bruer Kleivaelva, Hovland I indre og Hovland II indre. Bruene skal rivast og erstattast av ei ny platebru i to spenn, med ei totallengd på 21,55 meter.
Det skal også byggast 450 meter med ny gang- og sykkelveg, nytt kryss ved Hamnavegen aust, nytt lysanlegg og luftspennet skal fjernast.
Ytre bru
Delstrekning 2C. Her skal det byggast ny kulvert over Hamnaelva, som erstatning for den gamle platebrua Hovland ytre.
I tillegg skal det byggast 120 meter ny gang- og sykkelveg, og nytt kryss ved Kvalvikdalen og Hamnavegen vest. Også her skal det kome nytt lysanlegg og luftspennet skal fjernast.
Dei gamle tørrmurane langs vegen vil bli erstatta av nye tørrmurar, og belysning på strekninga blir skifta ut. I tillegg skal kommunen legge nye vatn- og avløpsleidningar i gangvegen langs heile traseen.
Midtre (2B) - opsjon
Ny fylkesveg, ny gang- og sykkelveg, nytt lysanlegg og fjerning av luftspenn.
Kryss til stadion - kryss riksveg 5
Delstrekning 3. Vert utført frå august til desember 2026.
Denne strekninga går 200 meter vidare vestover, den nye gangvegen vert knytt saman med eksisterande gangveg som går langs RV5. Kommunen får samtidig heilt nytt VA-anlegg på dette strekket. I tillegg blir det etablert nye trekkerøyr i grøft for fleire aktørar.