Kurs i Tankevirus
Er sjølvtilliten frynsete og bekymringane hyppige? Grublar du mykje? Lyst til å lære nokre teknikkar for å få det betre? Det blir nye Tankevirus-kurs våren 2025.
Kursa er digitale, og alle får ei møtelenke i forkant av kurset. Det er moglegheit til å delta anonymt.
Når vert det kurs og for kven?
- 7. og 14. februar kl. 13.00-15.00: kurs for tilsette innan opplæring i bedrift (opplæringskontor, lærebedrifter, rettleiingstenesta, miljøkoordinatorar) – meld deg på dette kurset
- 10. og 17. mars kl.18.00-20.00: kurs for elevar og ungdom – meld deg på dette kurset
- 11. og 18. mars kl. 18.00-20.00: kurs for lærlingar og lærekandidatar – meld deg på dette kurset.
Kursa går over to dagar, og du som melder deg på, må såleis setje av begge datoane.
Kva er Tankevirus?
Tankevirus er eit gratis meistringskurs retta mot førebygging og meistring av lette til moderate psykiske vanskar. Kurset omtalar ulike negative tankemønster som tankevirus og lærer deltakarane om psykologiske vitamin som kan hjelpe mot tankevirus.
Tankevirus er også tilgjengeleg som app (gratis). Den er kvalitetssikra og tilrådd av Helsedirektoratet og Helsedepartementet. I 2022 var det 100 000 personar som lasta ned appen. 7 av 10 opplever betring.
"Alle burde få anledning til å ta eit sånt kurs!"
"Eg ser ei øking i behov for fokus på psykisk helse og ønsker å lære meir."
"Eg slit med overtenking og at tankane blir dratt i negativ retning."
Kven står bak kurset?
Vestland fylkeskommune og Frisklivsentralen i Bergen arrangerer kursa i Tankevirus.