Søk TT-kort - Hordaland
Kven kan søkje om TT-kort eller arbeidskøyring?
- Ordninga gjeld personar over 10 år som på grunn av sjukdom eller funksjonshemming ikkje kan nytte buss.
- Funksjonsnedsettinga må venteleg vare i minst 2 år.
Personar som har TT-kort og har tilrettelagt arbeid (VTA) kan og søkje om støtte til arbeidskøyring. Personar med varig funksjonshemming som har ordinært arbeid må søke støtte frå NAV til arbeidskøyring.
Kva kan du søkje om?
Du kan søkje om fritidsreiser eller arbeidkjøring med drosje eller spesialbil (bil utstyrt for transport av rullestolbrukarar).
Korleis søkjer du?
Søknaden består av to skjema: Søknadsskjema og legeerklæring. Du fyller sjølv ut søknadsskjema. Det er viktig at du grunngjev kvifor du ikkje kan nytte offentleg transport. Legeerklæringa skal fyllast ut og underteiknast av lege. Begge skjema må vere fylt ut før søknaden blir handsama. Send skjema samla til:
Vestland fylkeskommune
Avdeling for mobilitet og kollektivtransport
Postboks 7900
5020 Bergen
Fyll ut søknadsskjema
Søknadsskjema må du fylle ut sjølv. Du må snakke med legen din, for å få fylt ut legeerklæringa. Begge skjema må vere fylt ut før søknaden blir behandla. Vi rår til at desse blir sendt saman til fylkeskommunen.
Kven behandlar søknaden?
Fylkeskommunen gjer vedtak i saka på grunnlag av ei tilråding frå den fylkeskommunale legenemnda. Du vil få melding om vedtak i saka så snart den er ferdig behandla.
Du kan klage på avslag
Får du avslag kan du klage til den fylkeskommunale klagenemnda.