Godkjent vassforvaltningsplan

Klima- og miljødepartementet godkjente vassforvaltningsplanen for Vestland 31.10.22 i samråd med aktuelle departement.

Planen er oppdatert med vedtak i fylkestinga og godkjenning frå Klima- og miljødepartementet (KLD):

• Vassforvaltningsplan for Vestland vassregion 2022 endeleg
• Godkjenningsdokument for Vestland

Vann-nett er oppdatert med endringar gjort av KLD.

Fylkestinga med areal i Vestland vassregion vedtok eit tilhøyrande tiltaksprogram og handlingsprogram desember 2021-mars 2022:

• Tiltaksprogram for Vestland vassregion 2022–2027 – utkast til politisk behandling haust 2021 (pdf)
• Handlingsprogram for Vestland vassregion 2022–2027 – utkast til politisk handsaming haust 2021 (pdf)

Tilskot til generell vassforvaltning - merk ny frist 15. november 2023

Heilskapleg vern og berekraftig bruk

Planen bygger på vassdirektivet til EU som vert gjennomført i heile Europa. I tråd med vassforskrifta set dei regionale vassforvaltningsplanane miljømål for alt vatn, både elvar, innsjøar, kystvann og grunnvatn. Miljømåla skal sikre eit heilskapleg vern og berekraftig bruk av vatnet og er skildra som miljøtilstanden som skal verte nådd i planperioden 2022–2027.

Planane viser korleis miljøtilstanden er i dag, og kva for tiltak som er nødvendige for å førebygge, forbetre eller rette opp att tilstanden der det er nødvendig.

Gjeld kommunar, fylkeskommunar og staten

Vassforvaltningsplanen set miljømål for vassførekomstane, tiltaksprogrammet skisserer tiltak for å nå miljømåla, og handlingsprogrammet koordinerer prosessen med å nå miljømåla.

Kommunar, fylkeskommunar og statlege etatar er gjennom planen plikta til å legge miljømåla til grunn for deira planlegging og verksemd.