Tilskot samarbeidsavtalar

Hovudutval for næring vedtok 30. mai at Vestland fylkeskommune framleis skal ha samarbeidsavtaler med eksterne aktørar som del av oppfølging og gjennomføring av Berekraftig verdiskaping – regional plan for næringsutvikling 2021–2033.

Vestland fylkeskommune har sidan 2020 hatt samarbeidsavtaler for innovasjon og næringsutvikling. Desse varar til utgangen av 2023 og alle aktørar må førebu seg på å søke på nytt. 

Hovudutvalet har vedteke å opprette to ordningar:

• ei søkbar ordning for tilleggsfinansiering av næringshagar og inkubatorar som er tatt opp i Siva sine nasjonale program
• ei søkbar ordning for andre aktørar innan innovasjon- og næringsutvikling

Dei to ordningane vil strekke seg over perioden 2024–2029 og vere delt inn i to avtaleperiodar à tre år.

Ordningane vil truleg bli lyst tidleg i september og søknadsfrist tidleg i oktober. Tildeling vil skje etter politisk handsaming i november med atterhald om fylkeskommunen sitt budsjettvedtak.

Denne sida blir oppdatert når ny informasjon er tilgjengeleg