Kartlegging av friluftsområde

Vestland fylkeskommune vil jamleg kartlegge tilgjengelegheita i ulike friluftsområde. Vi gjer dette med støtte frå Kartverket.

Fylkeskommunen er eit friluftsorgan etter friluftslova og har rett til å opptre, klage og reise søksmål for å ivareta ålmentas interesser i alle saker av interesse for friluftslivet.

Vi jobbar for at alle i fylket skal ha moglegheit til å vere fysisk aktive kvar dag. Då er det viktig at det finst område som er universelt utforma, der alle kan ta seg fram og vere fysisk aktive.

Tilgjengelege i Fylkesatlas

Difor er det viktig at vi kartlegg kvar desse områda, er og kor godt tilrettelagde dei er, samt at vi kommuniserer dette til kommunar, friluftslivsorganisasjonar og til einskildpersonar. Kartleggingane fylkeskommunen gjer, vert også publiserte på www.fylkesatlas.no slik at kven som helst kan finne informasjon der.

Fylkeskommunen skal gje råd og rettleiing til kommunane og regionale friluftsorganisasjonar. Fylkeskommunen forvaltar tilskotsordningar til friluftslivsformål.

Søknadar i 2020

For 2020 har Vestland fylkeskommune søkt Kartverket om midlar til to kartleggingsprosjekt:

  1. Kartlegging av universell utforming av turvegar i friluftsområde
    Søknadssum: 100 000 kr
  1. Kartlegging av universell utforming av fiskeplass og badeplass i friluftsområde
    Søknadssum: 100 000 kr

Gjennomførte kartleggingar

Sogn og Fjordane fylkeskommune gjennomførte fleire slike kartleggingar. I Hordaland fylkeskommune hjelpte kommunane med kartlegging og verdisetjing av friluftsområde, noko som vart fullført av alle kommunar i Hordaland i 2019.

Rapportar frå gjennomførte kartleggingar i Sogn og Fjordane

Kommunerapport - Kartlegging av tilgjengelegheit og universell utforming av friluftsområde i Sogn og Fjordane 2015

Anleggsrapport - Kartlegging av universell utforming av friluftsområde i Sogn og Fjordane 2016

Sluttrapport - Sentrumsnære turvegar. Universell utforming i Sogn og Fjordane 2018

Kommunerapport - Kartlegging av tilgjengelege fiskeplassar i Sogn og Fjordane 2019