Flaum i Vestland
676 kilometer av fylkesvegane i Vestland er flaumutsett. Det tilsvarar 11,6 prosent av fylkesvegnettet.
Endringane av klima er ei av dei største utfordringane. I Vestland fylke er det større risiko for meir skred og flaum framover. Klimaendringane kan føre til aukande ekstreme vêrhendingar. Det er sannsynleg at det kjem fleire hendingar som dei i Utvik i 2017 og i Jølster i 2019.
Kartet viser aktsemdområde for flaum. I kartet kan du klikke deg rundt, og velje forskjellige lag på høgre side.
Flaumsikring
- OED løyver årleg midlar til flaum og skredførebygging til NVE
- Tilskotsordninga dekker ikkje tiltak for fylkeskommunal infrastruktur
- Tilskotsordninga er per i dag ikkje stor nok til å romme bytte av store konstruksjonar (som t.d. bru) til andre forvaltningsnivå
- Rammene til den statlege ordninga for flaumsikringstiltak må aukast og må ta opp i seg fylkeskommunal infrastruktur
FLOM I FLÅM: 11. november 2022 gjekk Flåmselvi nesten over sine breidder. Foto: Henning Elgåen, Aurland kommune
Eit konkret eksempel frå Innvik
- NVE kontakta Vestland fylkeskommune med ei oppmoding om å bygge ny bru ved fv. 60 ved Storelva i Innvik i Stryn kommune
- NVE er avhengig av at brua blir byta ut dersom dei skal flaumsikre elva
- Brua har restlevetid på 30 år, ikkje kritisk skadd, og er difor ikkje prioritert hos Vestland fylkeskommune.
- Framtidige flaumhendingar er ikkje er eit kriteria for at fylkeskommunen prioriterer utbetring av ei bru
