Vestland fylkeskommune skal i samarbeid med Kvinnherad kommune starte på arbeidet med ein detaljreguleringsplan for etablering av ein ny gang- og sykkelveg. Det er manglande tilbod til gåande og syklande mellom tettstadene Husnes, Sunde og Valen. Gjennom denne planen skal fylkeskommunen sjå på ulike løysingar primært for å knyte saman tettstadane Husnes, Sunde og Valen med ein berekraftig og universelt utforme gang- og sykkelveg.
Fase: Planlegging
Veg: Fylkesveg
Område: Kvinnherad
Varsel om start på reguleringsplan
Høyring og offentleg ettersyn av planutkast
Levering av første planforslag til Kvinnherad kommune.
Reguleringsplan blir vedtatt
Den nye gang- og sykkelvegen blir om lag 2,6 km lang. I tillegg skal ein betre vegstandarden for gjennomgangstrafikk med ein regulering av vegbreidde til to køyrefelt. Prosjektet har som mål at det skal bli enklare og tryggare for syklande og gåande, og at trafikktryggleiken for alle trafikantgrupper skal verta betre.
