Kulturkonferansen Vestland 2026

Innleiarar

Anne-Britt Gran er professor i kulturanalyse og kulturpolitikk ved Handelshøyskolen BI, samt co-director for forskingssenteret BI Centre for Creative Industries (BICCI). Ho leiar for tida forskingsprosjektet creAIte, som handlar om korleis kunstig intelligens (KI) endrar kultursektoren, både skapingsprosessar, institusjonar og publikum sine preferansar (finansiert av NFR), og ho er medlem av MishMash – Center for AI and Creativity. Gran har forska breitt og tverrfagleg på tema som kulturpolitikk, teaterhistorie og -organisering, kultursponsing, kreativ næring, algoritmar og digitale skiljelinjer, sosiale medium og sjølvpresentasjon.

Martin Buck Hegaard er grunnleggjar og administrerande direktør i BARC Business of Art & Culture i Danmark. Han er ein erfaren forretningsleiar med brei kompetanse innan partnarskap, forretningsutvikling, innhaldsmarknadsføring og fellesskapsbygging. Hegaard arbeidar i skjeringspunktet mellom næringsliv og kultur, og har utvikla kulturverksemder gjennom partnarskap med privat sektor. Han har utvikla metoden «Relevance Design», som byggjer på ein kombinasjon av designtenking og moderne retorisk praksis, og har publisert delar av dette arbeidet i eit white paper om vekststrategiar og overgangen frå sponsoravtalar til kommersielle, kommunikative, katalytiske og transformative partnarskap.

Linda Portnoff har ein doktorgrad i rekneskap og finans, med ekspertise innan musikkbransjen og verdsetjing av immaterielle rettar (IP). Ho var tidlegare dagleg leiar i Music Sweden, der ho leidde nasjonale satsingar innan politikkutforming, interessepolitikk og eksport. Ho er nestleiar i styret ved Kungliga Musikhögskolan, tidlegare styremedlem i STIM, og grunnleggjar og dagleg leiar i Tangy Market. Linda er ein tiltrudd rådgjevar for styresmaktene når det gjeld Sverige sine eksportsatsingar innan kreativ næring, og ho er ein internasjonal hovudtalar og TEDx-føredragshaldar om tema som IP-økonomi, kulturell kapital og finansiering av kreativ næring.

Innleiarar om rekruttering og utvikling

Hjørdis Losnedahl er leiar for Litteraturhuset i Bergen. Ho er utdanna cand.mag. med litteraturvitskap, teatervitskap og mellomfag i fransk, og har tidlegare vore dagleg leiar i Bergen Internasjonale Litteraturfestival. Losnedahl har lang erfaring frå kultur- og festivalarbeid, mellom anna som prosjektleiar i Nordiske Mediedagar, som tilsett i Festspillene i Bergen og som administrasjonsleiar i Logen Teater.

Andreas Roaldsnes er gjesteforskar på Universitetet i Bergen og rådgjevar i Bergen kommune. Han har nyleg skrive doktorgrad om barn sin organiserte fritid og sosiale skilnader, med innsamla data frå Bergen kommune og Vestland fylkeskommune sitt barnefamiliepanel.

Nina Torske er dagleg leiar for Vestnorsk Jazzsenter sidan 2012, regionalt produksjons- og kompetansesenter for jazz på Vestlandet. Ho har hovudfag i vegetasjonshistorie, men skifta beite på 90-talet og har sidan arbeidd i norske jazzorganisasjonar, drive eiga bookingverksemd, og vore fylkeskommunal prosjektleiar på kulturminnefeltet (Møre og Romsdal). Nina brenn for rekruttering og utvikling, og er framtidsoptimist, både når det gjeld jazzfeltet og kunst-/kulturfeltet generelt.

Jon Raundalen er rektor på kulturskulen i Bergen kommune.

Artistar

Lindy-Fay Hella er ein norsk songar, musikar og komponist, kjend som medlem av bandet Wardruna og som frontfigur i Lindy-Fay Hella & Dei Farne. Ho spelte elektronisk musikk før ho var med på å starte Wardruna, som spelar eklektisk musikk inspirert av runer. I Wardruna sin Runaljod-albumtrilogi er Hella si stemme ein bærebjelke. I 2019 gav ho ut sitt første soloalbum, som var i sjangeren elektronisk pop. Seinare har ho gitt ut ytterlegare to soloalbum, under namnet Lindy-Fay Hella & Dei Farne. Hella vaks opp og er busett på Radøy utanfor Bergen. 

Roy Ole Førland er musikar og pedagog med lang erfaring frå Den kulturelle skulesekken og Rikskonsertane. Gjennom ei rekkje produksjonar har han utforska møtet mellom musikk og lyrikk, og han skapar lydlandskap som opnar nye rom i tekstane. Han spelar òg med Lindy Fay Hella & Dei Farne, Hei Kalas og NATT, og har arbeidd med filmmusikk til ulike kortfilmar, dokumentarar og animasjonsfilmar. Han er busett i Bergen.

Sondre S. Veland er ein 33 år gammal profesjonell musikar frå Hosøy. Her starta han å tromme då han var 9 år gammal, og har sidan den gong utdanna seg ved Griegakademiet i Bergen, og har spelt, samt spelar med, diverse prosjekt som Wardruna, Major Parkinson, Dobbeltgjenger, Lindy-Fay Hella & Dei Farne og mange fleire.

Deltakarar i panelsamtalar

• Geir Luedy, dagleg leiar i Made Mangement
• Tone Østerdal, spesialrådgjevar for politikk og myndigheitsdialog i Music Norway
• Elise Hessevik, dagleg leiar i Buzzfond
• Silje Wergeland, dagleg leiar i Beyond the Gates
• Siv Dyb Wangsmo, dagleg leiar i MER FILM AS
• Peter W. Meldahl, dagleg leiar i Rain Games
• Magnus Thomassen, dagleg leiar i Mediefondet Zefyr AS
• Lisa Nøttseter, leiar av Bergen Dansesenter
• Dipha Thiruchelvam, festivalsjef og dagleg leiar i Vill Vill Vest
• Vegard Moberg, dagleg leiar i Give Music a Chance
• Simone Stibbe, forlagssjef i Skald
• Gitte Sætre, biletkunstnar og styreleiar i Bildende Kunstneres Forening Hordaland (BKFH)
• Benjamin Jakobsen, Hordaland sin representant i Familie- og kulturkomiteen, Stortinget (AP)
• Reidar Digranes, byråd for næring, kultur og idrett, Bergen kommune (SP)
• Silje Hjemdal, Hordaland sin representant i Arbeids- og sosialkomiteen, Stortinget (FrP)
• Charlotte Spurkeland, byråd for barnevern, sosiale tenester og mangfald, Bergen kommune (H)