Ønskjer du fagbrev?

Med fagbrev blir du meir attraktiv på arbeidsmarknaden og stiller sterkare i konkurransen om jobb.

Du kan få hjelp til å

• få informasjon om kva samarbeid som finnast mellom Nav-fylkeskommune-bransje i din region
• finne rett fag og bransje 

Som deltakar i våre samarbeid hjelper vi deg med å kome i kontakt med ei bedrift, utprøving i praksis ved behov og lage en plan for opplæringa fram mot fagbrevet. 

Om du ikkje får tilbod i eit av våre samarbeid, kan vi rettleiie deg vidare på korleis du best går fram for å nå ditt yrkesmål.  

                                                                                                                

Kven tar eg kontakt med der eg bur?

Rettleiingstenesta i ditt område har god oversikt på kva samarbeid Nav, fylkeskommunen og næringslivet har i ditt område.

Finn di rettleiingsteneste i Vestland.

Sjå også det generelle fagtilbodet i vidaregåande opplæring for vaksne i Vestland

 

Kommande møteplassar

På møteplassane kan du få informasjon om moglegheiter for å ta fagbrev. Du kan også møte bedrifter og skular som rekrutterer til opplæringsløp. Møteplassane er opne for alle interesserte. Sjekk ut kommande møteplassar her.

 

Spørsmål og svar

Får alle som ynskjer, tilbod om eit kvalifiseringsløp i eit Fagveg-samarbeid?

Det er bransjen/bedrifta, med støtte frå Nav og fylkeskommunen, som inngår i våre samarbeid som velgjer ut dei kandidatene som dei ynskjer å teikne kontrakt med vidare. Gjennom Fagveg får du moglegheit til å møte bedrift og presentere deg. Motivasjon og interesse for faget er ofte det som er viktigst!

Når samarbeidet er ein del av eit ordinært vaksenopplæringstilbod i regi av skule, gjeld dei vanlege inntaksreglane, og ein søkjer plass gjennom Logg Inn - Voksenopplæringsportal Vi hjelper deg i desse samarbeida med å søkje inntak og med å knyte kontakt med aktuelle bedrifter som er tilknytte opplæringa når du får tilbod om plass.

Treng eg vere registrert i Nav?

Du treng ikkje å vere registrert hos Nav. Om du ikkje har behov for rettleiing eller stønad frå Nav i opplæringsløpet, er det i utgangspunktet rådgjevar i rettleiingstenesta i fylkeskommunen og bedrifta som følgjer deg opp. 

Kor lang tid tar det før eg oppnår fagbrev? 

Det vil vere individuelt frå person til person. Først vil vi gjennomføre eit kartleggingsmøte, der vi ser på din bakrunn med skule, arbeidserfaring og din veg fram mot fagbrevet. Så vil vi hjelpe deg med å finne rett opplæringssordning for deg og bedrifta.

Kva har det å seie for den økonomiske stønaden min?

Du kan framleis ha rett til å motta økonomiske ytingar frå Nav. Har du ikkje økonomisk yting frå Nav i dag, kan du ha rett på det under opplæringa. Dette vil vere individuelt. Saman med rettleiar i Nav vil vi gå grundig gjennom kva det betyr for økonomien din å starte på ei fagopplæring.

Finst det tilbod i alle fag?

Kva tilbod som finst kor i fylket, varierer. Rettleiingstenesta i området ditt har oversikt over kva samarbeid fylkeskommunen og NAV har der du bur.

Om vi ikkje har eit samarbeid om sluttkompetansen du ønskjer deg, kan dei likevel rettleie deg inn på kva veg du bør velje.

Korleis får eg rettleiing på kva eg skal utdanne meg til?

Karriere Vestland tilbyr gratis karriererettleiing til vaksne over 19 år. Du vel sjølv om du vil snakke med dei ​​på telefon, video eller på eit av deira seks kontor over heile fylket.

Les meir og ta kontakt: Karriere Vestland - Vestland fylkeskommune.

Dersom du ikkje finn ledige timar i kalenderen deira eller ikkje ønskjer direkte rettleiing, kan du nytte deg av karriereveiledning.no.