Arbeidet med å bygge tilkomstvegar til brua starta hausten 2022, og desse var ferdige mars 2024. I desember 2023 starta bruentreprenør Skanska på rigginga i Søre Mortavika, og på nyåret starta grunnarbeidet i sundet.
I juni 2024 vart to senkekasser/brudundament som var støypte ved riggområdet i Søre Mortevika frakta ut i sundet. På Brattholmen starta støypinga av brupilarane.
Utover hausten synte brubygginga att også over vatn, og ved årsskifte var fleire av søylene på veg opp. Brua er delt inn i sju aksar, som startar på Hesteneset i nord, akse nummer ein, og endar i akse nummer sju, Guridneset på Ytre Sula.
I løpet av våren 2025 vart det aktivitet på alle aksane på brua, og brusøylene steig til vêrs. Før sommarferien nådde vi ein viktig milepæl. Frå Brattholmen, akse fire, gjekk vi i gang med støypinga av sjølve fritt-fram-brua.
Støypinga av brusøylene heldt fram gjennom hausten og vinteren, seksjon for seksjon.
I januar 2026 passerte vi 293 meter ferdig støypt bru.
Dei første månadane av 2026 var prega av mykje vind og uvêr. I mars var vi likevel halvvegs, då hadde vi støypt 406 av totalt 811 meter. Bruentreprenør Skanska har eigne byggekamera der ein kan følgje framdrifta - minutt for minutt.
