Fv. 570 Risnes bru

I dag er vegen snevra inn til eitt køyrefelt for å minske belastinga på eksisterande bru. Ny bru skal betre famkomme og trafikktryggleiken for alle trafikantar. 

Det blir utfordrande å byggje ny bru utan å legge om fylkesvegen som i dag går under Risnes bru. Det blir bygd nytt kryss på nordsida av brua mellom Fensfjordvegen og Sleirsvegen. Ny bru blir bygd på sørsida av eksisterande bru, og så nær opptil eksisterande bru som mogleg.

Fakta

Fase: Detaljreguleringsplan
Veg: fv. 570
Område: Masfjorden kommune

Varsel om start på reguleringsplan

November 2024

Høyring og innspel

Våren 2026

Informasjonsmøte

Haust 2026

Ser du ikkje kartet rett over her, har du kanskje ikkje godteke cookieinnstillingane som krevs. Du kan anten endre samtykke , og tillate cookies eller du kan klikke her for å sjå kartet i eige vindauge.

Forslag til reguleringsplan

Vestland fylkeskommune har i samarbeid med Masfjorden kommune utarbeidd forslag til reguleringsplan for ny Risnes bru på fylkesveg 570.

Planarbeidet starta i 2024 og har bakgrunn i behovet for å erstatte eksisterande bru og betre trafikktryggleik og framkome for alle trafikantgrupper. Risnes bru ligg over Risnes-straumen, om lag 3,5 km nordvest for Hosteland sentrum.

Har du innspel til planarbeidet?

Forslag til reguleringsplan for fylkesveg 570 Risnes bru er lagt ut til 1. gongs offentleg høyring og ettersyn i medhald av plan- og bygningslova § 12‑10.

Vestland fylkesommune ønsker dine synspunkt, innspel eller andre relevante opplysningar i planarbeidet knytt til Risnes bru. Her er det er mogleg å teikne på kartet, alternativt å leggje ved filer som du har liggjande. Alle innspela vil bli registrert og teke med vidare i prosessen.

Gje dine innspel til planarbeidet gjennom vår nettbaserte løysing. 

Merknadsfrist er 14.06.2026, og høyringsperioden er på seks veker.

Merknader til planforslaget kan sendast:

Alle innspel skal merkast med saksnummer 2024/34248 eller «Risnes bru reguleringsplan»

Informasjonsmøte i løpet av høyringsperioden

Det kan verte aktuelt å halde informasjonsmøte eller kontordag i løpet av høyringsperioden. Nærare informasjon vil i så fall bli kunngjort her på nettsidene og på nettsidene til Masfjorden kommune.

Sjå alle dokument i framlegget til reguleringsplan  (Masfjorden kommune)

Ilustrasjonsbilde av ei bru over eit sund. Under brua går ein veg. Det er hus og skog langs sjølinja.
NY BRU: Korleis den nye brua kjem til å sjå ut veit vi ikkje enno, men her er eit forslag. Illustrasjon: Aas-Jakobsen as

 

Relatert informasjon

Reguleringsplanen legg til rette for:

  1. Ny fylkesveg med ny Risnes bru sør for eksisterande bru
    Om lag 700 meter ny fylkesveg, der cirka 105 meter utgjer sjølve brua.

  2. Nytt og flytta kryss mellom fv. 570 og fv. 5438 Sleirsvegen, utforma som eit oversiktleg og forkøyrsregulert T‑kryss, slik at trafikken til og frå Sleirsvegen ikkje lenger går under brua.

  3. Betre siktforhold, trafikktryggleik og framkome for køyretøy, gåande og syklande.

  4. Val av trasé og kryssløysing byggjer på tidlegare politisk handsaming og er i tråd med kommunen si trafikktryggleiksplan.

Planframlegget byggjer på eit breitt og solid fagleg grunnlag, mellom anna:

  1. Geotekniske og ingeniørgeologiske undersøkingar.
  2. Vurderingar av områdestabilitet.
  3. Massehandteringsplan og ombruksvurderingar.
  4. Fagnotat om naturmangfald, kulturarv, klima og miljø.
  5. ROS‑analyse og klimagassbudsjett for reguleringsplan
  6. Den samla dokumentasjonen gir eit godt grunnlag for vidare planlegging og for ei forsvarleg gjennomføring av tiltaket.

Kontaktpersoner

Nina Marlen Fredriksen

Planleggingsleiar

Planinitiativ Risnes bru