Siste finpuss på fv. 57 mellom Holmeli og Nistadlia

Etter halvanna år med anleggsdrift kan vegfarande no nyte knappe to kilometer med nybygd veg, gul midtstripe og mjuke svingar langs Dalsfjorden. Tysdag 27. mai blir det vegopning. 

Veganlegget er nesten ferdig, det står berre att ein siste finpuss langs vegskråningane. 

Dronefoto som viser fjord, med veg som slunger seg langs fjorden og fjell bak. Det er sommar, sol og grønne lier.
DALDSFJORDEN PANORAMA: Nye fv. 57 mellom Holmeli og Nistadlia.

Kabeletatane skal fullføre sine prosjekt i løpet av mai. Det meste av denne aktiviteten skjer utanfor veglinja. 

Tysdag 27. mai blir det høgtideleg opningsmarkering på Holmeli. Her blir det taler, underhaldning og snorklypping. I samband med arrangementet blir vegen stengd ein liten time midt på dagen. 

Sjå annonsering i lokalmedia og trafikkmeldingar/175.no for oppdatering på stengetider. 

Fem menn kledd i gule vernekle står på rekke og rad. Dei står på eit område med jord og grus. I bakgrunnen er ein veg.
Entreprenør og byggherre Vestland fylkeskommune gler seg over resultatet av vegutbetringa langs Dalsfjorden. F.v. Andreas Flister, Thomas Østerbø, eigar og dagleg leiar Entreprenørservice, Bjørn Andre Storøy, prosjektleiar VLFK, Sondre Holvik og Jøran Dahle Manset i Entreprenørservice.