Vegen er i dag smal. Strekninga som skal utbetrast er ca. 1,2 km lang, og Bøtre bru blir fornya. Vegen skal utvidast til to køyrefelt utan gul stripe og det skal etablerast tilbod for gåande og syklande.
Mellombels stopp i arbeidet
Hovudentreprenør for prosjektet, Bertelsen og Garpestad AS, meldte oppbod i mars 2025 og arbeidet stoppa. Anleggsområdet er no sikra, og vi kjem attende med informasjon om oppstart av arbeidet så snart som råd. Med dette kan prosjektet bli ferdigstilt hausten 2027.
Trygg framkome
Bebuarane langs Hatvikvegen (Solstrand, Bø og Midtbø) har i dag ingen fortau eller gang- og sykkelveg mellom heim og skule, barnehage eller jobb på Osøyro. Det er ikkje mogleg å gå eller sykle til næraste busstopp utan å bevege seg ut i køyrefeltet for trafikk.
Ei løysing for gåande og syklande vil gjere vegen tryggare for alle, redusere bilbruk på korte reiser, og legge til rette både for å gå, sykle og nytte kollektivtrafikk.
Samtidig med gang- og sykkelvegen skal det leggast ned infrastruktur i form av vatn, avløp og fiber, og Bøtre bru vil bli erstatta av ein kulvert.
Du kan lese meir om prosjektet på Miljøløftet.no.