Skulevalet 2025

På denne sida finn de informasjon om skulevalet 2025.

Føremålet med politisk skuleval er å lære ungdommane om demokratiet. Det er òg eit pedagogisk verkemiddel i arbeidet med å auke den politiske kompetansen og interessa blant dei unge.

Resultat frå skulevalet 2023 finn du på  SIKT - skolevalgresultater 

Utdanningsdirektoratet (Udir) sine anbefalingar for gjennomføring av skuledebatt, valtorg og skuleval til dei vidaregåande skulane finn du her: Skolevalget 2025: Til fylkeskommunene og videregående skoler 

Udir skriv at skuleeigar og skular bør ha ein beredskap for trygg gjennomføring av skulevalet. Meir info her: Beredskap ved skolevalg

Dei politiske ungdomspartia gjennomfører debattar og valtorg ved alle dei vidaregåande skulane i Vestland.

Køyreplan (pdf) med tidspunkt for debatt og valtorg, versjon publisert 28.04.2025.

 

 

Tilrådinga frå UDIR er at tema for debatten bør vere bestemt av ungdom (elevar, elevråd, Elevorganisasjonen). 

Skulane vil bli bedt om å melde inn tema til debatt i mai 2025, desse vil bli oppsummert og presentert for dei politiske ungdomspartia. Dei same hovudtema vil gjelde på alle debattar i Vestland fylkeskommune. Vi rår skulane til å unngå altfor lokalspesifikke spørsmål i debatten, bruk gjerne valtorget til meir konkrete og lokale spørsmål. 

Skjema for innmelding av tema til debatt finn du her.

Kurs i debattleiing

LNU (Landsrådet for Norges barne- og ungdomsorganisasjonar) vil halde digitalt kurs i debattleiing mandag 26. og onsdag 28. mai, to halve dagar. 

Skulane bør delta med elevane som skal leie skuledebattane hausten 2025, i tillegg til lærar eller kontaktperson for skulevalet. 

Gjennomføring av debatt

Her finn du mal for namneskilt til debattantane, med partiet sitt namn og logo: Nynorsk og bokmål.

Skriv fornamnet til debattantane tydeleg med blokkbokstavar. 

Denne fana vil bli oppdatert i løpet av 2025. Ressursane frå 2023 er linka under, med atterhald om at nokre linker kan vere utdaterte. 

Skulane vil få tilsendt røystesetlar i starten/midten av august.