Høyring: Regional plan for vassforvaltning 2028-2033 for Vestland vassregion

Vil du bidra til å betre vassmiljøet i Vestland? Gi dine innspel!

Forslag til Regional plan for vassforvaltning for Vestland vassregion 2028-2033 med tilhøyrande tiltaksprogram og handlingsprogram er no lagt ut på høyring og offentleg ettersyn.

Vassforvaltningsplanen gjeld for Vestland vassregion. Dette betyr at planen har areal som går inn i alle nabofylka til Vestland. Nabofylka har og vedtak om å legge planen ut på høyring. 

Kva ønskjer vi tilbakemelding på? 

Vi ønskjer relevante og konkrete innspel til plandokumenta som er på høyring, og som kan føre til at innhaldet i dokumenta vert betre. Sjå spesielt på tema i høringsdokumentene som er relevante for eigen organisasjon og interesse.

Send inn høringsinnspel

Alle som ønskjer kan sende inn høyringsinnspel. Høyringsfristen er 30. april 2027. 

Høyringsinnspel skal sendast på e-post til Vestland fylkeskommune, som er vassregionstyresmakt for Vestland vassregion.

Informasjon- og medverknadsmøter

Det vil komme informasjon om høyringsmøte på denne nettsida.

Planen skal til politisk behandling og endeleg vedtak i fylkestinget hausten 2027.

Planen bygger på vassdirektivet til EU som vert gjennomført i heile Europa. I tråd med vassforskrifta set dei regionale vassforvaltningsplanane miljømål for alt vatn, både elvar, innsjøar, kystvann og grunnvatn. Miljømåla skal sikre eit heilskapleg vern og berekraftig bruk av vatnet og er skildra som miljøtilstanden som skal verte nådd i planperioden.

Vassforvaltningsplanen set miljømål for vassførekomstane, tiltaksprogrammet skisserer tiltak for å nå miljømåla, og handlingsprogrammet koordinerer prosessen med å nå miljømåla. Kommunar, fylkeskommunar og statlege etatar er gjennom planen plikta til å legge miljømåla til grunn for deira planlegging og verksemd. Planen skal etter vedtak i fylkesting sendast over til Klima- og miljødepartementet for godkjenning.