Høyring: Planprogram for Regional plan for areal og mobilitet

No kan du seie di meining om planprogrammet for ein ny regional plan for areal og mobilitet i Vestland.

Vestland fylkeskommune har starta arbeidet med ny, regional plan for Areal og mobilitet. Planen er tverrsektoriell og skal erstatte fleire eksisterande regionale planar og temaplanar.

Planprogrammet er ei «oppskrift» for korleis vi skal jobbe ut dei nye planane. Her foreslår vi kva føremålet den nye planen skal ha, kva tema den skal omfatte, tidsplan, prosess og korleis vi skal sike medverking.  

Kva skal planen handle om?

Planen skal:

  • gi rammer og retning for korleis areal og mobilitet skal utviklast i fylket.
  • vise korleis arealbruk og transport kan bidra til å nå måla i Utviklingsplan for Vestland 2024–2028.
  • utvikle eit utbyggingsmønster og senterstruktur som er samordna med infrastruktur for mobilitet, energi og tenester.
  • utarbeide differensierte retningsliner for arealbruk som sikrar utvikling i heile fylket.
  • vurdere behovet for regionale planføresegner.
  • sikre samordning mellom stat, fylkeskommune og kommunar.


Slik sender du inn høyringsinnspel

Det digitale høyringsskjemaet er delt inn i desse temaa frå planprogrammet:

Det digitale høyringsskjemaet er delt inn i desse temaa frå planprogrammet: 

  • Rammer og føringar 
    • Overordna føringar  
    • Plansystemet – forholdet til gjeldande planar 
  • Plantema 
    • Gjennomgåande omsyn 
    • Regionsenter og transportstruktur 
    • Berekraftig arealforvaltning 
    • Mobilitet og transport 
  • Behov for kunnskap og utgreiingar  
  • Oppfølging av planen 
  • Planprosess, organisering og medverknad 
    • Framdrift og milepålar 
    • Anna 

Vi ber om at de gjer dykk kjende med strukturen i skjemaet før de sender inn innspel. Det er viktig at høyringsinnspel er presise og tydelege, og at dei blir plasserte under rett tema.

For å forenkle arbeidet med å oppsummere innspela til politisk handsaming, er det lagt inn ei avgrensing på 4000 teikn per svarfelt. Ved å bruke denne strukturen og halde dykk innanfor teikngrensa, bidreg de til at innspela blir meir konkrete, lettare å analysere og at bodskapen kjem tydeleg fram.

Innspelsmøte

Delta på digitalt innspelsmøte for å få ytterlegare informasjon om planprogramma, stille spørsmål og gi innspel til arbeidet.
Tid: 09. september, klokka 13.00 - 15.00. Møtelenke blir publisert her.

Høyringsfrist

Frist for å sende inn høyringssvar er 10. oktober 2025.

Animasjon som syner ulike typer mobilitet som båt, sykkel, bil, og infrastruktur i Vestland

 

  • Er føremålet med planen tydeleg formulert og lett å forstå? 
  • Manglar det vesentlege tema i planprogrammet, eller er det tema her som bør gå ut? 
  • Kva  retningslinjer for bruk av areal synest de fungerer bra i dag? Er det nokre som skaper utfordringar eller burde endrast? Treng vi nye verktøy for å planleggje betre korleis areal blir forvalta? 
  • Planprogrammet kapittel 2.2.2 foreslår å dele kommunane i fylket inn i kategoriar med ulike mogelegheiter, føringar og strategiar. Planen legg opp til at kommunar kan få litt ulike reglar for arealbruk, avhengig av lokale forhold. Er dei føreslåtte kriteria dei rette å legge til grunn for ei slik inndeling? 
  • Planprogrammet kapittel 2.2.2 foreslår at planarbeidet skal peike ut regionsenter basert på på eit utval kriteria. Har de synspunkt på forslaget til kriteria for regionsenter? 
  • Finst det tema som bør utgreiast nærare, få større merksemd eller der kunnskapsgrunnlaget må styrkast?