Demokratiprosjektet i Vestland, tilskotsordning
Tilskot til lokale demokratitiltak for unge veljarar
I samband med «Demokratiprosjektet - auka valdeltaking blant unge veljarar», vil det være mogleg for ungdomsråd og grupper ved vidaregåande skular å søkje tilskot til mobiliseringstiltak i samband med lokalvalet 2027. Søknadsfristen er 10. desember 2026.
Søknadskjema blir klart i november 2026.
Mål for ordninga
Tilskotsordninga skal medverke til auka engasjement og deltaking blant unge veljarar i lokalvalet 2027, gjennom å oppfordre og gje bistand til lokale organ av og for ungdom som ønsker å gjennomføre mobiliseringstiltak i samband med valet.
Kven kan søkje
- Ungdomsråd i kommunar i Vestland fylke
- Elevråd, klassar eller faggrupper ved vidaregåande skular i Vestland fylke
Kva kan få støtte
Det vert primært gitt tilskot til partipolitisk nøytrale tiltak som tar sikte på å auke mobilisering og engasjement rundt kommune- og fylkestingsvalet i 2027 blant de yngste veljargruppene. Døme på slike tiltak kan være:
- Oppsøkjande mobiliseringsverksemd lokalt
- Lokalt informasjonsarbeid retta mot unge veljarar
- Kampanjar i sosiale media
- Valarrangement (til dømes debattar, kurs, samtalearenaer)
Andre type tiltak som bidreg til auka politisk engasjement og kunnskap blant unge lokalt blir også oppmoda til på søkje. Søkjarar som ønskjer å gjennomføre fleire tiltak vil prioriterast.
Gode prosjekt vert støtta med tilskot inntil 10 000 kr. Tilskotsmidlar skal kompensere for nedlagt frivillig arbeid og kostnader for søkjer til gjennomføring av tiltak.
Vestland fylkeskommune kan i tillegg til tilskotsbeløp bidra med rettleiing, opplæring og kompetanseheving gjennom «Demokratiprosjektet - auka valdeltaking blant unge veljarar».
Vestland fylkeskommune vil kunne gje bistand med naudsynt profileringsmateriell.
Vi prioriterer dette i tildelinga
- Tiltakspakker med stort omfang og bredt lokalt nedslagsfelt i målgruppa
- Tiltak som medverkar til auka demokratisk deltaking over tid
- Tiltak retta mot lærlingar
- Tiltak retta mot unge innvandrarar
- Tiltak retta mot unge med nedsett funksjonsevne
Sakshandsaming og vedtak
Forvaltningslova ligg til grunn for all søknadshandsaming i Vestland fylkeskommune. Alle søknader er i utgangspunktet offentleg tilgjengelege, jf. Forvaltningslova (Fvl.). Unnatak gjeld personopplysningar. Desse vert unnateke offentlegheita jf. Fvl. §13. I særlege tilfelle kan utsett offentlegheit vurderast etter Fvl. Avdeling for Opplæring og kompetanse førebur søknadane for politisk handsaming og vedtak i Hovudutval for opplæring og kompetanse. Kvar søknad er eit einskildvedtak og innstilling skal grunngjevast i saksframlegget. Vedtak som fråvik frå fylkesdirektør si innstilling skal også grunngjevast. Søknadene skal i hovudsak vere handsama innan tre månader etter søknadsfrist
Søknadskrav, sakshandsaming og vedtak
Ved søknad skal tilknytt søknadsskjema nyttast. Søknaden må innehalde kven som søkjer, kva for kommune eller vidaregåande skule søkjaren er tilknytt, ein kort beskriving av tiltaka og kor mykje det søkjast om. Vestland fylkeskommune handsamar innkomne søknader.'
Det er ikkje krav om eigendel.
Søkjer står fritt til å søkje støtte frå andre støtteordningar til tiltaka. Ved tildeling av støtte frå andre aktørar, skal dette informerast om til Vestland fylkeskommune snarast mogleg.
Søkjarar vert informert om utfallet av søknaden innan 1.februar 2027.
Oppfølging, rapportering og kontroll
Vestland fylkeskommune vil gjennomføre individuelle oppstartsmøte med mottakarar av tilskot snarast etter vedtak.
Det må sendes kort rapport undervegs om framdrift i tiltaka til Vestland fylkeskommune, seinast innan 1.juni 2027.
Mottakarar av tilskot skal levere sluttrapport for tiltaka innan 1.oktober 2027.