Høyring av planprogram
Planprogrammet for regional plan for areal og mobilitet var ute på høyring fram til 10. oktober 2025.
- Her finn du utkastet til planprogram og meir informasjon om høyringa.
- Her kan du sjå alle høyringsinnspela som kom inn.
- Her kan du lese den endelege fråsegnsrapporten (pdf)
- Her kan du lese endeleg planprogram (pdf)
Fylkesutvalet vedtok planprogrammet 26. november.
Om planarbeidet
Det er eit mål å samle retningsliner for arealbruk i Vestland i denne planen. Planen skal legge til rette for samarbeid og samordning mellom statlege, fylkeskommunale og kommunale styresmakter i gjennomføringa.
Planen skal innehalde verktøy og kunnskapsgrunnlag til hjelp for dette. Planen skal legge eit grunnlag for at arealbruk og mobilitet bidreg til å oppnå måla i Utviklingsplan for Vestland.
Her er vi i prosessen
Planprogram avklarar rammene for planarbeidet og vart fastsett av fylkesutvalet i Vestland i november 2025. I planprogrammet vart det fastlagt føremål og overordna rammer for arbeidet, behov for kunnskap, organisering, framdrift, medverknad og kva alternativ som skal greiast ut.
No arbeider vi med å lage eit utkast til plan, med intern og ekstern medverknad. Det er lagt opp til at planforslaget skal på høyring og offentleg ettersyn i august 2026, og at fylkestinget skal vedta planen i desember 2026.
To nye regionale planar
Vestland fylkeskommune arbeider no parallelt med to nye regionale planar: regional plan for verdiskaping og kompetanse og regional plan for areal og mobilitet. Les om arbeidet med regional plan for verdiskaping og kompetanse.
Oppdatert: 29. desember 2025