Ekstramøte i samband med tilsetjing av ny fylkesdirektør
Fylkesordføraren kallar inn til digitale ekstramøte i administrasjonsutvalet, fylkesutvalet og fylkestinget fredag 14. november.
Dagen startar med eit planlagt møte i arbeidsutvalet for tilsetjing av ny fylkesdirektør kl. 8. Deretter følgjer ekstramøta i administrasjonsutvalet kl. 08.20 og fylkesutvalet kl. 08.40, før fylkestinget kjem saman kl. 9. Starttidspunkta for dei tre ekstramøta er omtrentlege. Møta startar når møtet som går før, er ferdig.
Alle møta er digitale. Møta i arbeidsutvalet, administrasjonsutvalet og fylkesutvalet blir lukka, medan møtet i fylkestinget blir ope og sendt i nett-tv. Namnet på ny fylkesdirektør blir kjent i møtet i fylkestinget.
Sakspapir
Sakspapira for alle dei fire møta blir lagde ut så snart dei er klare og seinast ei veke før møta.
- Program og sakspapir for møtet i arbeidsutvalet for tilsetjing av fylkesdirektør
- Program og sakspapir for møtet i administrasjonsutvalet
- Program og sakspapir for møtet i fylkesutvalet
- Program og sakspapir for møtet i fylkestinget
Fylkestinget tilset
Det er fylkestinget som tilset fylkesdirektøren, medan eit arbeidsutval for tilsetjinga står for det praktiske i samband med tilsetjinga.
Desse sit i tilsetjingsutvalet:
Fylkesordførar Jon Askeland (leiar, Sp), fylkesvaraordførar Stian Davies (Ap), Trude Brosvik (KrF), Silja Ekeland Bjørkly (H) og Terje Søviknes (FrP).
Det har kome inn til saman tolv søkjarar om å bli ny fylkesdirektør.
