Tilskot til arealdekning på mobil

Vestland fylkeskommune lyser ut midlar til arealdekning på mobil i fylket. Ordninga skal gå til område der behovet er størst, mellom anna langs viktige ferdselsårer. Dette er ei førebels utlysing. Endeleg utlysing med tildelingskriterium er venta i slutten av august.

miniatyrfigurer modem og kabler
Foto: Shutterstock

Vi kan støtte utbygging i område som manglar mobildeking eller kun har mobildekning med 2G-teknologi. Nasjonal kommunikasjonsmyndighet (Nkom) utarbeider kart over område som kan få støtte, som kommunane kan søkje om støtte til.  

Hovudutval for næring vedtek etter planen kriterium for tildeling 25. august. 

Kommunar i Vestland kan søkje. Fleire kommunar kan gå saman om ein søknad dersom det er naturleg med utbyggingsområde som dekkjer fleire kommunar.

Søknaden skal innehalde informasjon om prosjektet, beskriving av område og dekningsstatus. Søknadsskjema kjem. 

Områda det blir søkt om støtte til må merkjast av i kartløysinga Arcgis. Dette blir gjort i eige skjema.

Søknaden skal sendast inn gjennom www.regionalforvaltning.no 

Hovudutval for næring vedtek etter planen tildelingskriterium for ordninga 25. august. 

Største delen av midlane kjem frå ei rammeløyving frå Digitaliserings- og forvaltningsdepartementet. Departementet har mellom anna lagt til grunn fylgjande vilkår:

  • Nkom har utarbeidd kartfiler over område som kan få støtte. 
  •  Det kan bli gitt støtte til område som manglar mobildekning, eller som berre har mobildekning med 2G-teknologi. Etter utbygging skal det støtta nettet tilby minimum 4G- eller 5G teknologi. 
  • Tilskot skal vere i samsvar med støtteordninga som er notifisert til ESA. 
  • Prosjekt som får tilskot skal lysast ut samla. Dette blir koordinert av fylkeskommunen. 
  • Prosjekt som får tilskot skal være gjennomført innan 1. oktober 2028.
  • Kommunar som får tilskot må legge inn data i Ekomportalen, jamfør breibandutbyggingslova.

    Les meir om ordninga her.

Kommunane blir også bedne om å spesifisere anna finansiering, som til dømes private midlar/bidrag frå andre, eller dugnad. 

Sjå også:

miniatyrfigurer modem og kabler

Søk tilskot til breibandutbygging

Vestland fylkeskommune lyser ut midlar til utbygging av breiband i fylket. Ordninga skal sikre hustandar og verksemder gigabitdekning der det  ikkje er kommersielt lønsamt å bygge ut.