Styrka marin innsats i Vestland

Det er noko av det prosjektet styrka marin innsats arbeider for å finne svar på.

Samarbeid

Det er mange aktørar som arbeider godt med å løyse sentrale utfordringar innan akvakultur, i ei tid med styrka merksemd på miljø, naturmangfald og klima. Vestland fylkeskommune ser at vi kan lukkast betre om vi samarbeider tettare i arbeidet med å løyse desse kompliserte problemstillingane. I det treårige prosjektet skal dei mange aktørane frå offentleg verksemd, næringsliv og kunnskapsmiljøa samarbeide tettare for å lukkast i arbeidet med å skape meir verdiar, samtidig som det skal gi mindre avtrykk på omgjevnadane våre.

Overordna mål

Den styrka marine innsatsen femnar først og fremst om problemstillingar innan berekraftig akvakultur og verdikjeda kring akvakultur. Det overordna målet med innsatsen er å legge til rette for ei styrka verdiskaping innan akvakultur i Vestland, samstundes som det blir lågare avtrykk på klima, miljø og naturmangfald. I tillegg er det viktig at innsatsen bidreg til at vi når miljømåla etter vassforskrifta. Vi må og drive akvakultur på ein berekraftig måte i tråd med EU sin taksonomi for berekraftige økonomiske aktivitetar (klassifiseringssystem som angir kriterium for kva aktivitetar som kan reknast som berekraftige).

Seks innsatsområde

For å få til den ønska utviklinga må vi saman gjere vårt for å vere med å løyse utfordringane innan mellom anna arealbruk, lus, rømming, berekraftig fiskefôr, slam og andre avfallsressursar, fiskehelse og fiskevelferd. I dette prosjektet har vi forma seks innsatsområde som skal medverke til den ønska utviklinga:

1. God planlegging og oppdaterte arealplanar
2. Kompetanse og rekruttering
3. Forsking og utvikling
4. Møteplassar og nettverk
5. Påverknad av rammevilkår
6. Ressursutnytting og verdikjeder