Kunstverk av Gunnhild Bakke og Ingunn Bakke
Utsmykkinga inneheld ein omfattande og samansett konstruksjon, som er inspirert av himmel og hav, med mange runde måleri i ulike storleikar monterte innimellom.
- Kunstnar
- Gunnhild Bakke og Ingunn Bakke
- Stad
- Stord vgs.: Vegg ved opphaldssone, plan 2. Mindre verk i gangareal inn mot venstre og i venteareal for rådgjevartenesta.
- Materiale
- Konstruksjonen er laga i 12 mm Valchromat-MDF og måla med silkematt kvit Bengalakk. Måleria er i hovudsak måla med Golden akrylmaling og silkematt medium på mdf.
- Årstal
- 2025
Motivkretsen i måleria handlar òg om himmel og hav, om landjord, folk og dyr, og andre lokalitetar.
Personane som er portretterte er kvardagspersonar, henta frå avisarkiv og liknande. I nokre tilfelle har det vist seg å vere personar med band til skulen, utan at kunstnarane har vore kjend med det. Måleria er monterte både kvar for seg og i små grupper.
Konstruksjonen er bygd opp av ulike modular, med linjer som bølgjer og slyngjer seg, og som kryssar kvarandre i to overlappande sjikt. Måleria er monterte på vegg, mellom sjikta og i front, slik at utsmykkinga til saman har fem sjikt. Det er luft mellom laga.
I tillegg er det montert til saman seks mindre arbeid på andre stadar i bygget. Desse er i slekt med hovudutsmykkinga.
Desse kunstverka av Gunnhild og Ingunn Bakke er på Stord vgs.:
- Stord World Wide, hovudverket
- Jens «bonde» Litlabø
- Ellen Strandenes
- Hans Hauan
- Kvardag
- Logoar frå hermetikkfabrikken på Stord
- Honningbie
Bildekarusell
Bildekarusellen inneholder flere bilder og viser ett bilde om gangen. Hvert bilde kan ha bildetekst og en knapp for å vise større versjon av bildet. Bruk forrige og neste knapper for å blad gjennom bildene. Det finnes også en faneliste for å hoppe direkte til et bestemt bilde som kan navigeres med venstre og høyre piltaster.
