Nettverk for by- og stadutvikling: Den gode samtalen
Nettverket er ein møteplass for alle kommunane i Vestland og Vestland fylkeskommune. Her skal me utveksle erfaringar, lære av kvarandre og få ny kunnskap og idear til nye samarbeid på tvers av fag og geografi.
Dette er tverrfaglege samtalar og samarbeid, og vi koplar på fagfolk – både eksterne og interne – avhengig av kva som er tema for møta.
Emnet for møtet 6. oktober er styrkebasert stadutvikling. Vi har invitert Rita Agdal og Bjørn Hauger til å fortelje om å skape gode stadar å leve – saman. Ei styrkebasert tilnærming til lokalsamfunnsutvikling.
Rita er førsteamanuensis på institutt for velferd og deltaking ved Høgskulen på Vestlandet (HVL). Ho arbeidar med tema som medverknad og deltaking, prosjekt knytt til folkehelse og lokal kunnskapsutvikling, i tillegg til styrkebasert endrings- og utviklingsarbeid i kommunar. Ho forskar på styrkebaserte metodar som til dømes ABCD, Asset Based Community Development.
Bjørn er samfunnsvitar og forleggar. Han har vert ein sentral pioner i utviklinga av styrkebaserte endringsprosessar i Noreg. Han har brei bakgrunn som forskar, leiar, konsulent og gründer, mellom anna innan styrkebasert arbeid med barn og unge.
De kan lese meir om styrkebaserte tilnærmingar i denne rapporten frå Helsedirektoratet.
Ta kontakt
Har du innspel til tema for framtidige møte i nettverket, ta kontakt med Mona Steinsland.
Det er faste møte i nettverket første tysdag i kvar månad klokka 10–11. Me utviklar innhald og form på møta saman med kommunane.