Dialogkonferansen og markering av Friluftslivets år 2025
Dialogkonferansen for idrett og friluftsliv er ein godt etablert arena for fagleg samarbeid og erfaringsdeling på fagområdet idrett og friluftsliv. Tradisjonen tru inviterer fylkeskommunen også i år til konferanse, og denne gongen ser me dialogkonferansen i samanheng med sluttmarkeringa for Friluftslivets år 2025! Dersom du ynskjer å delta på begge konferansane må du melde deg på begge. Program for begge konferansane ligg i påmeldingskjema.
Om "Friluftslivets år 2025"-konferansen
Onsdag 3. desember markerer me utgangen av Friluftslivets år 2025 i Vestland. Vi skal mellom anna ha søkjelys på korleis vi har jobba gjennom året for å få auka deltaking i friluftslivsaktivitetar, korleis vi har inkludert fleire, og korleis ein sikrer at den inkluderinga varer - også når året er omme.
Gjennom året har vi jobba for å bygge ned barrierar for utanforskap ved deltaking i friluftsliv. Dette har vi gjort i samarbeid med friluftslivsorganisasjonane, frivilligheita, friluftsråda, kommunar i Vestland, skular, næringsliv og einskildpersonar.
Vi har gjort vårt beste for å informere og inspirere alle som har vore interesserte i å være med på markeringa, og som har bidratt til å auke den varige friluftslivsdeltakinga hjå dei som ikkje deltek i friluftsliv, eller som deltek mindre enn dei sjølve ynskjer.
Påmeldingsfrist, fysisk deltaking: 12. november
Målgrupper for friluftslivkonferansen
Tilsette i kommunane som jobbar med idrett, friluftsliv, inkludering og folkehelse. I tillegg inviterer vi regionale- og lokale turlag, FNF, friluftsråd, idrettsorganisasjonar og andre lag og foreiningar som har vore med på markeringa av friluftslivets år.
Ta kontakt med Kristine Sunde Fauske om du har spørsmål om samlinga.
Tlf 90416570
E-post Kristine.Sunde.Fauske@vlfk.no
Om dialogkonferansen
Dialogkonferansen er ein årleg møtestad for kommunar og fylkeskommunen der målet er fagleg oppdatering, nettverksbygging, motivering og inspirasjon til vidare arbeid med tilrettelegging for fysisk aktivitet. Andre regionale samarbeidspartnarar blir inviterte ut frå innhaldet i programmet.
Påmeldingsfrist, fysisk deltaking: 12. november
Målgrupper for dialogkonferansen
Tilsette i kommunane som jobbar med idrett, friluftsliv, folkehelse og plan. I tillegg inviterer vi regionale turlag, FNF, friluftsråd, Vestland idrettskrets og Idrettsklynge Vest.
Ta kontakt med Hanne Marthe Espe om du har spørsmål om samlinga.
Tlf 99769453
E-post Hanne.Marthe.Espe@vlfk.no