Orrabu - Sogndal kommune

Dagsturhytta ligg på Eggjahaugane på Leikanger og heiter Orrabu. Frå Eggjahaugane har du utsikt austover til Hermansverk sentrum, søraust inn fjorden til Fresvik, sør til Feios og vestover mot Vangsnes i Vik kommune.

Orrabu-dagsturhytta-i-Leikanger-SSF-03446- Foto_Sigrun_Espe.JPG

Foto: Sigrun Espe/Vestland fylkeskommune

Tilkomst og parkering

Du kan parkere på parkeringsplassen ved Kleppa. Ta av til Kleppa ved fv. 55 på Hermansverk og følg Kleppavegen til skisenteret.  

Stien til hytta

Du har fleire turmoglegheiter for å kome til Orrabu. Den kortaste startar frå parkeringsplassen ved Kleppa. Du kan følge sti rett opp slalombakken eller grusveg rundt bakken til venstre. Stien går delvis i myr, men det er lagt ut plankar der.  

Grusvegen: du følgjer vegen til Husabøstølen og tek av mot Øvstestølen. Rett før Øvstestølen tek du av og inn på stien som går rett mot toppen av skitrekket. Etter at du har passert trekket, held du fram du innover på stien og går skrått nedover til du ser hytta. 

Vinterstid: det er trakka skiløyper på Øvstestølen.

For dei kjende: gå inn Henjadalen til stølen Dalhjella. Følg så stien til Stokksete og ta av etter Raumålsgrinda. 

Avstandar

Eggjahaugen, der hytta ligg, er om lag 530 moh. Turen opp til dagsturhytta tek om lag 30–45 minutt frå parkeringsplassen på Kleppa dersom du har med deg born.