Fjellro - Sunnfjord kommune

Fjellro ligg på Hjellasva, litt over halvvegs på stien mellom Skei og Fygladalen. Hytta ligg med fantastisk utsikt over Jølstravatnet, om lag 30–60 min gange opp frå rundkøyringa på Skei.

Dagsturhytta-i-Jolster-Fjellro-SSF-03974.JPG

Foto: Magnar Egil Øren Gangsø

Tilkomst og parkering

Parker ved Thon Hotel Jølster eller finn ein annan ledig plass i sentrumsområdet. Du kan òg parkere ved Skei skule om du vil gå derifrå. Viss di kjem med buss kan du gå av ved hotellet, eller ved Esso Skei.

Stien til hytta

Det er merka to stiar opp til hytta:

  • Den eine går opp frå vegen som ligg like ved rundkøyringa på Skei (retning Førde). Der går det ein grusveg opp og gjennom eit tun. Ta til venstre etter du har passert det siste huset og følg merka sti/veg.
  • Den andre stien som er merka går opp frå Jølster Panorama (tidlegare Haugen Camping).

Avstandar

Det tek mellom 30 og 60 minutt å gå opp frå sentrum på Skei, alt etter kva tempo du går i.