Trafikktrygging i Vestland: fire satsingsområde

Trafikktryggingsarbeidet skal rettast inn mot dei mest alvorlege ulykkestypane og trafikantar med særleg høg risiko, dette er hovudstrategien i Handlingsprogram for trafikktrygging i Vestland 2026–2029.

Fylkesvaraordførar Natalia Golis ikledd bunad med kvit bunadskjorte og fylkesordførarkjede for Vestland rundt halsen står midt i ei gruppe skuleborn i 4. klasse og ordføraren i Svelgen kommune og andre vaksne. Ho ser på og snakkar med eit par born medan ho klypper over ei lang snor i raudt blått og kvitt som har sperra den nye gang- og sykkelvegen dei står på. Vegen strekk seg vidare bak dei med ny svart asfalt. Det er grått ver og regn og Natalia er tydeleg våt i håret og på kleda og ungane har regnklede på seg. Grå himmel.
MJUKE TRAFIKANTAR: Gang- og sykkelvegar skal gi trygg framkomst for sårbare trafikantar. Her feirar fylkesvaraordførar Natalia Golis nye meter gangveg i Svelgen kommune. Foto: Heidi Ravnestad/Vestland fylkeskommune

Satsingsområde i handlingsprogrammet

Det er peika ut fire satsingsområde med tilhøyrande delmål. 

  • Møte- og utforkøyringsulykker utanfor tettbygde strøk  
    Delmål: Færre skal omkomma eller verta hardt skadde i møte- og utforkøyringsulykker.  
  • Mjuke trafikantar i regionsenter og langs skuleveg  
    Delmål: Færre mjuke trafikantar skal omkomma eller verta hardt skadde.  
  • Trafikksikker åtferd  
    Delmål: Fleire trafikantar skal ha ei trafikksikker åtferd.    
  • Trafikktryggingsarbeidet i Vestland  
    Delmål: Det organisatoriske trafikktryggingsarbeidet skal styrkast og stimulera til samordna aktivitet.  
Ulykkesåret 2025 med 16 drepne i Vestland skapar stor uro. Utfordringsbiletet har vore likt dei siste åra, og 
ulykkesutviklinga i Vestland peikar særleg på utforkøyringsulykker og ulykker med mjuke trafikantar som hovudutfordringar. Tiltaka og verkemidla i handlingsprogrammet er spissa inn mot desse utfordringane. 

Nullvisjonen  

Nullvisjonen er ein grunnleggjande føresetnad for Vestland fylkeskommune.  
Dette er ein visjon om at ingen skal verta drepne eller hardt skadde i vegtrafikken.   

Hovudmål  

Færre skal omkomma eller verta hardt skadde i vegtrafikkulykker i fylket 
Vestland skal bidra til å nå nasjonale målsettingar og ambisjonar for trafikktryggingsarbeidet. Nasjonal transportplan (NTP) legg til grunn følgjande ambisjon: «Innen 2030 skal det maksimalt være 350 drepte og hardt skadde i 
veitrafikken, hvorav maksimalt 50 drepte. Ingen skal omkomme i veitrafikken i 2050.» Ut frå det nasjonale måltalet for 2030 er det fastsett fylkesvise måltal, som kjem fram den nasjonale tiltaksplanen. Det fylkesvise måltalet for Vestland vert nytta til å konkretisera hovudmålet for handlingsprogrammet.  

Handlingsprogrammet blir rullert kvart fjerde år.