Søk refusjon av drosjeutgifter til fritidsreiser i TT-ordninga

Du kan få refusjon av utlegg dersom:

• TT- kortet ikkje verkar.
• Du har mista kortet.
• Kortet er feilaktig sperra eller inaktivt.
• Drosjen ikkje får kontakt med TT-kortet på kortterminal.                       

Utlegg kan godkjennast for refusjon inntil 6 månader tilbake i tid, føreset at det var tilstrekkeleg dekning på TT-kontoen på reisetidspunktet, og det framleis er disponibel kvote på TT-kortet.

Ved refusjon som gjeld reiser før årsskiftet, gjeld same framgangsmåte. Refusjonen vert då belasta kvoten for inneverande år.

Frist for å sende inn søknadsskjema

• Reisestøtte kan innvilgast inntil eitt år etter gjennomført reise, dersom det er sannsynleggjort at den som har rett til reisestøtte ikkje har vore i stand til å søkje tidlegare. Dette kan til dømes skuldast sjukdom eller særlege forhold knytte til livssituasjon.
• Dersom søknaden din om refusjon blir godkjend, får du overført turkostnaden minus eigendel på kr 30 til bankkontoen din. Du blir trekt tilsvarande sum frå TT-kvoten.

Slik søkjer du refusjon

• Du kan søkje om refusjon av drosjeutgifter ved å laste ned skjemaet (sjå turkis boks på denne sida) og sende inn kopi av originalkvitteringane.
• Eller du kan sende inn kvitteringane i vanleg post. Hugs å oppgje namn og adresse, TT-kortnummer og bankkontonummeret ditt.

Send det til:

LokalTaxi Vestland AS
Postboks 1
6861 Leikanger

Merk konvolutten TT-kvittering.

Du kan òg ta bilete av kvitteringane og sende på e-post til  tt@lokaltaxivestland.no