Innføringskurs
Tilbodet Innføringskurs er for minoritetsspråklege søkjarar som har rett til vidaregåande opplæring, men som ikkje har gode nok norskkunnskapar til å følgje opplæringa i eit ordinært utdanningsprogram
Kvifor ta innføringskurset?
Her får du som elev opplæring som skal førebu deg på innhald og nivået på første året i vidaregåande skule (Vg1). Det blir lagt stor vekt på å styrkje kompetansen i norsk gjennom alle fag.
Innføringstilbodet skal gjere det enklare for deg å følgje opplæringa i Vg1, og det vil passe både for deg som har planar om å starte på ei studieførebuande og for deg som ønskjer å gå på ei yrkesfagleg utdanning, året etter.
Elevar som går i innføringstilbodet, har fulle rettar etter opplæringslova, og kan søkje om plass på Vg1 neste år på lik linje med andre elevar.
Slik søkjer du
Reister søknad på Vigo.no
- Vel utdanningsprogram "Førebuande kurs for minoritetsspråklege"
- Vel "uspesifisert skule"
- Fyll ut digitalt vedleggskjema og last opp nødvendig dokumentasjon.
Kven kan søkje?
Føresetnaden for inntak er at du har grunnopplæring frå heimlandet eller vitnemål frå norsk grunnskule. Dersom du treng meir grunnskuleopplæring kan du lese meir om tilbodet vårt om kombinasjonsklassar.