Driftstilskot til kultur og folkehelse

Tilskotsordninga skal bygge opp under visjonen «Kultur bygger samfunn» og hovudmålet «Alle skal kunne delta, oppleve og skape» i Regional plan for kultur 2023–2035.  

Driftstilskot er eit langsiktig og strategisk verkemiddel. Tilskotsordninga skal støtte aktørar til å drive verksemd eller utføre oppgåver i tråd med regionale eller nasjonale interesser som fylkeskommunen har eit ansvar for.

Ordninga skal støtte opp om eit aktivt, inkluderande og allsidig sivilsamfunn i fylket. Ordninga skal fremme deltaking, engasjement, ansvar og vidareføring av felles verdiar innan kunst, kultur, kulturarv, idrett, friluftsliv, folkehelse, demokrati og samfunnsdeltaking.  

Tilskotsmidlane skal 

• bidra til drift av organisasjonar og institusjonar som har sterk og tydeleg verdi for føremålet med ordninga i heile eller store delar av Vestland 
• støtte aktørar som driv verksemd av regional eller nasjonal interesse som fylkeskommunen har eit særleg ansvar for 
• bidra til at alle skal ha moglegheit til å delta, engasjere seg og ta ansvar i samfunns- og organisasjonslivet 
• styrke arbeidet med demokratiopplæring og organisasjonsopplæring for barn og ungdom 
• stimulere til frivillig innsats for vern, vidareføring, formidling og bruk av faste kulturminne, kulturmiljø og landskap av regional og nasjonal verdi. 
• støtte opplæringsverksemd gjennom regionale studieforbund 

• organisasjonar og institusjonar innan det breie frivillige og profesjonelle kulturfeltet i Vestland 
• innbyggarane i Vestland  

• organisasjonar med særleg regional eller nasjonal verdi eller funksjon, og eit tydeleg føremål innan ordninga sitt verkeområde 
• frivillige organisasjonar, stiftingar eller ideelle aksjeselskap som har ansvar for vedlikehald og/eller formidling av kulturminne av høg regional eller nasjonal verdi i Vestland fylke. I særskilde tilfelle kan private eigarar søke etter fagleg vurdering 
• regionale frivillige barne- og ungdomsorganisasjonar som kan vise til lokal aktivitet gjennom lokallag i Vestland fylke, og som har minst 50 teljande medlemer i fylket 
• regionale ledd tilslutta eit godkjent studieforbund på nasjonalt nivå etter lov om vaksenopplæring, og som har gjennomført minst 500 registrerte studietimar dei to føregåande åra 
• regionale ungdomspolitiske organisasjonar der moderpartiet har eitt eller fleire medlemer i Vestland fylkesting 
• Det kan ikkje bli gitt tilskot til
• a) organisasjonar som har drift av utprega kommersiell karakter, innsamling som føremål eller verkeområde og profil avgrensa til lokalmiljøet. 
• b) organisasjonar der aktivitetane er knytte til undervisning, praksis, vurdering eller studiepoenggjevande opplæring ved utdanningsinstitusjonar 
• c) trus- og livssynssamfunn 
• d) organisasjonar som mottek driftstilskot frå statsforvaltar eller andre statlege ordningar på regionalt nivå, der fylkeskommunalt driftstilskot ville innebere overlappande finansiering av same føremål. Avgrensinga gjeld ikkje verksemder som inngår i nasjonale samfinansieringsordningar der regional eller kommunal medverknad er ein føresetnad for statleg tilskot 
• e) organisasjonar som primært rettar verksemda si mot barn og unge i utdanningssystemet 

Alle søkarar skal bruke nettbasert søknadsskjema ved innsending av søknad. 

Søkaren skal i tillegg sende inn følgjande vedlegg via eit eige nettskjema, etter frist gitt av fylkeskommunen: 

• godkjent årsmelding og rekneskap for året før 
• budsjett for søknadsåret 
• vedtekter for organisasjonen  
• rapport for året før (gjeld søkarar som fekk driftstilskot året før) 

Søknad og vedlegg må vere sendt på rett måte innan søknadsfristen. Fylkeskommunen kan gje søkaren høve til å rette opp manglar i søknaden innan ein seinare frist. Blir manglane ikkje retta innan fristen, kan søknaden bli avvist.

Minste søknadssum er 50 000 kr. 

Vurderinga bygger på ei samla vurdering og skjer i fleire steg. 

Søknader som oppfyller dei formelle krava blir fordelt på tre ulike støttekategoriar: 

• Kategori 1: organisasjonar med særleg regional eller nasjonal verdi 
• Kategori 2: frivillige barne- og ungdomsorganisasjonar 
• Kategori 3: studieforbund og regionale politiske ungdomsorganisasjonar 

Søknadene blir vurderte ut frå 

• i kva grad organisasjonen oppfyller føremålet med tilskotsordninga 
• kvalitet, profesjonalitet og kontinuitet i drift og organisering 
• samsvar med mål og prioriteringar for ordninga 
• bidrag til deltaking, inkludering, frivilligheit, demokrati, berekraft og mangfald 
• verksemda si regionale og/eller nasjonale verdi 

For søknader i støttekategori 1 legg vi særleg vekt på 

• i kva grad organisasjonen har sterk regional eller nasjonal verdi og/eller funksjon i kraft av oppdrag, storleik, fagleg tyngd, kvalitet og særpreg 
• i kva grad organisasjonen oppfyller satsingar i regionale planar og strategiar innan kultur og folkehelse 

For søknader innan kunst, kultur, kulturarv, idrett og friluftsliv legg vi særleg vekt på i kva grad organisasjonen bidreg til og har verdi for utvikling av kulturlivet i heile fylket. 

For søknader innan folkehelse og inkludering legg vi særleg vekt på i kva grad organisasjonen bidreg til og har verdi for auka inkludering og betre folkehelse i heile fylket. 

Vestland fylkeskommune legg forvaltningslova til grunn for all søknadsbehandling. Alle søknader er i utgangspunktet offentleg tilgjengelege, jf. forvaltningslova.   

Avdeling for kultur og folkehelse førebur og gjer kulturfaglege vurderingar av søknadene. 

• Hovudutval for kultur, idrett og inkludering får søknadane innan støttekategori 1 lagt fram for politisk behandling og vedtak. Hovudutvalet gjer endeleg vedtak om fordeling av tilskot etter at budsjettet for søknadsåret er vedteke av fylkestinget. 
• Hovudutvalet får søknadene innan støttekategori 2 lagt fram for politisk behandling og vedtak. Søknadene i kategori 2 skal i hovudsak vere behandla innan tre månader etter søknadsfrist. 
• Direktør for kultur og folkehelse får fullmakt til å fordele tilgjengelege midlar ved administrativt vedtak for søknader i støttekategori 3. Søknadene i kategori 3 skal i hovudsak vere behandla innan tre månader etter søknadsfrist. 

Kvar tildeling er eit enkeltvedtak som skal grunngjevast med klar forankring i dei fylkespolitiske måla. Grunngjevinga skal vere tydeleg formulert og lett tilgjengeleg, både internt og for innbyggjarane. 

Tilskotet skal brukast i tråd med føresetnadene i retningslinjene og vedtaket om tilskot. Tilskotsmottakar må skriftleg melde frå til fylkeskommunen om vesentlege endringar i drifta. 

Tilskotsmottakar sender inn årleg rapport med rekneskap og årsmelding. 

• Fylkeskommunen og fylket sin revisor kan kontrollere at pengane blir forvalta som føresett. Tilskotsmottakar skal gje tilgang på naudsynte dokument og opplysingar ved ein slik kontroll. 
• Rapportar for tilskot over 500 000 kr skal innehalde rekneskap stadfesta av revisor eller autorisert rekneskapsførar. Krava til type revisjon kan bli differensiert etter tilskotsmottakar sin organisasjonsstorleik og -art, og skal vere tilpassa fylkeskommunen sitt behov for ekstern stadfesting. Fylkeskommunen vil orientere om desse krava i tilsegnsbrevet som blir sendt til tilskotsmottakaren. Organisasjonar som nytter kommunerevisjon eller anna offentleg revisjonsorgan er unntatt krava nemnt ovanfor.  
• Fylkeskommunen kan kalle inn mottakarar av driftsstøtte til møte i høve rapportering. 

Fylkeskommunen kan krevje heile eller delar av tilskotet tilbake dersom det er utbetalt tilskot i strid med retningslinjene, eller om tilskotet ikkje er nytta i samsvar med føresetnadene for tildelinga. 

Oversikt og statistikk over tidlegare tildelingar.