Sommarjobb i arkivet – vi søker to ferievikarar til Leikanger
Vi lyser no ut to sommarjobbar i arkivet på Leikanger sommaren 2026. Stillingane gir ei god moglegheit til å få praktisk arbeidserfaring og innblikk i offentleg forvaltning.
Vi søkjer:
- ein ferievikar under 18 år
- ein ferievikar over 18 år (med førarkort)
Arbeidsoppgåvene er varierte og omfattar mellom anna rydding, sortering og klargjering av papirarkiv, registrering, digitalisering og anna praktisk arkivarbeid. Arbeidsplass er på fylkeshuset på Leikanger, men noko arbeid vil kanskje også føregå i det nye arkivbygget i Njøsavegen.
Søknadsfrist: 22. april 2026
Arbeidsstad: Leikanger
Varigheit: Mellom 3 og 8 veker innanfor den aktuelle perioden
Periode: 22. juni – 14. august 2026
Kommunearkivordninga i Vestland tek vare på viktige arkiv frå kommunar i Nordfjord, Sunnfjord og Sogn, og ferievikarane vil bli ein del av eit fagmiljø med god opplæring og tett oppfølging.
Vil du bidra til å ta vare på felles historia vår – og samstundes få verdifull arbeidserfaring i sommar? Då oppmodar vi deg til å søkje.
