Digitalt kurs i analyse av klimarisiko i kommunen – del 1

Vestland fylkeskommune har utarbeide eit verktøy og ein rettleiar for å kartlegge og analysere klimarisiko i kommunen.

Publisert Endra

No inviterer vi kommunane i fylket til eit digitalt kurs i bruk av Excel-verktøyet for klimarisikoanalyse og den tilhøyrande rettleiaren. Det blir eit tredelt kurs, med økter kl. 9–10.30 desse dagane:

Det er ein fordel å delta på alle tre øktene, men det er òg mogleg å delta på enkeltøkter.

Målgrupper

Kurset er for den/dei i kommunen som skal utføre analysen og treng opplæring i verktøyet. I kurset tek du utgangspunkt i din eigen kommune, men det vil krevje meir tid enn sjølve kurset å utføre heile analysen. Det vil bli relevant å involvere andre fagfolk i kommunen undervegs i analysen, men dei treng ikkje vere med på dette kurset. 

Verktøyet til å analysere klimarisiko er retta mot kommunar og kommunalt tilsette som jobbar med plan, klima, beredskap og samfunnsutvikling.

Innhald

Kursa gir ei praktisk innføring korleis kommunane kan ta i bruk verktøyet for å kartleggje og analysere klimarisiko i kommunen. Dette er viktig som kunnskapsgrunnlag for planlegging, prioriteringar og langsiktig samfunnsutvikling i kommunen 

Kurset er for den/dei i kommunen som skal utføre analysen og treng opplæring i verktøyet. I kurset vil du ta utgangspunkt i din eigen kommune. Det vil krevje meir tid ut over kurset å utføre heile analysen, og det vil vere relevant å involvere andre fagfolk i kommunen undervegs i arbeidet. 

I løpet av tre digitale økter går vi gjennom

  • kva klimarisiko er, og kvifor det er relevant for kommunal verksemd
  • korleis analysere fysisk klimarisiko, overgangsrisiko og grenseoverskridande klimarisiko
  • steg-for-steg bruk av Excel-verktøyet og rettleiaren
  • tips til organisering av arbeidet og involvering på tvers av fagområde og sikre bruk av analysen i kommunen