Innanfor planområdet skal det planleggast for tunnel mellom Austrepollen og Nordrepollen. Tiltaket inkluderer tunnelportalar og eventuell ny veg for tilkopling til eksisterande fv. 49 i Nordrepollen og Austrepollen. Tiltaket utgjer om lag 3,5 km veg.
Dei siste ti åra har det gått 103 skred på den åtte minutt lange bilturen frå Austrepollen til Nordrepollen. Det er fire skredpunkt på strekninga.
Omkøyringsvegen er 100 kilometer lang og innheldt 23 skredpunkt, der det dei siste ti åra har gått 140 skred.
Det er gjort tiltak med skredsikring langs delar av strekninga, men det er ikkje mogleg med tilstrekkeleg sikring langs vegen slik den er i dag.
Ser du ikkje sjå kartet rett over her, har du kanskje ikkje godteke cookieinnstillingane som krevs. Du kan anten endre samtykke og tillate cookies, eller du kan klikke her for å sjå kartet i eige vindauge
Om planen
- Vurdert fleire tunnelpåhogg på begge sider av fjorden. Står igjen med eit forslag på kvar side.
- Arbeidet byggjer på eit forprosjekt frå Norconsult, som har vurdert fleire trasealternativ.
- Sidan prosjektet kan få ein kostnad på over 750 millionar kroner, utløyser det krav om konsekvensutgreiing.
- Utgreiinga skal mellom anna vurdere tema som naturmangfald, landskap, kulturarv, naturressursar, friluftsliv og tryggleik i skredutsette område.
- Planarbeidet heng òg saman med Statens vegvesen si konseptvalutgreiing (KVU) for E134-armen til Bergen, der denne strekninga er ein del av eitt av alternativa.