Forskingsfinansiering Vestland
Hovudutval for næring vedtok 11. februar 2026 å løyve 8 millionar kroner til satsinga Forskingsfinansiering Vestland. Ordninga skal finansiere tidlegfase forprosjekt i næringslivet i Vestland, og er eit viktig verkemiddel for å styrkje forskings- og innovasjonsaktiviteten i regionen.
Forskingsfinansiering Vestland er eit naturleg steg vidare for verksemder som har gjennomført eit FORREGION‑prosjekt, men ordninga er òg open for bedrifter med meir forskingserfaring som ønskjer å utvikle nye forskingsbaserte prosjekt.
Utlysing av forprosjekt vil bli publisert på denne nettsida så snart ho er klar.
Satsinga skal bidra til å realisere måla i Temaplan for forsking, og styrkje kunnskapsbasert verdiskaping i heile Vestland.