Tannklarprosjektet: Tannhelse og bruk av tannhelsetenester for personar i legemiddelassistert rehabilitering
Prosjekt
Dei som er rusavhengige har generelt hatt eit mindre fullverdig helsetilbod enn resten av befolkninga i tillegg til at det er mindre systematisk kunnskap om helsetilstanden i denne gruppa. Vi har hatt lite kunnskap om tannhelse hos dei som får legemiddelassistert rehabilitering (LAR) i Noreg.
Hovudmåla med denne studien:
- er å kartlegge tannhelsestatus hos LAR-pasientar og korleis tannbehandlingstilbodet fungerer i praksis
- korleis synsvinkelen til helsetenesta er på dette
- evaluere moglege intervensjonar for å kunne betre tannhelsesituasjonen hos personar i LAR.
Studien vil gjennomførast som ei tverrsnittsundersøking hos LAR-pasientar og ved tannklinikkar i Norge med ei enkel klinisk undersøking og eit kort strukturert spørjeskjema for å kartlegge erfaringa til tannlegar og tannpleiarar med undersøking og behandling av dei som får LAR-behandling.
Prosjektleiar
Professor Lars T. Fadnes (MD, PhD) og Professor Anne Nordrehaug Åstrøm
Samarbeidande organisasjonar
- Institutt for global helse og samfunnsmedisin
- Institutt for klinisk odontologi
- Tannhelsetenesta Kompetansesenter Vestland
- Avdeling for rusmedisin, Haukeland Universitetssykehus.
Vi samarbeidar med brukarorganisasjonen ProLAR Nett som har eit sterkt fokus på betydninga av å oppskalere behandlingstilbod for LAR.