Gir 41 millionar til utbygging av breiband i Vestland
Vestland fylkeskommunen deler ut midlar til breibandutbygging til elleve prosjekt i ti kommunar.
Midlane skal delfinansiere utbygging i område der det ikkje er kommersielt lønsamt å bygge ut, og gje hustandar og verksemder som i dag har 30 Mbit/s breiband betre dekning.
Ekstramidlar frå fylkestinget
Hovudutval for næring vedtok torsdag å dele ut 33 millionar til breibandutbygging. Tidlegare i veka vedtok fylkestinget ei ekstrabevilling på 8 millionar kroner til same føremål. Dermed deler fylkeskommunen no til saman ut 41 millionar kroner til breibandutbygging.
– Vi er svært nøgde med å kunne gi støtte til så mange gode søkjarar og at vi kan innfri alle søknadane som har kome inn. Å bygge ut digital infrastruktur er ei viktig satsing for Vestland fylkeskommune. Dette har stor betydning for både innbyggarar, næringsliv og offentlege tenester i fylket, seier Tor André Ljosland, leiar i hovudutval for næring.
Han legg til at god breibanddekning gjer kvardagen enklare for innbyggjarane. Det gjer at folk kan jobbe heimanfrå og ikkje minst ta i bruk alle digitale, offentlege tenester.
Kommunane som no får midlar er: Kinn, Askvoll, Voss, Vaksdal, Sveio, Aurland, Høyanger, Øygarden, Bjørnafjorden og Etne.
Midlar over statsbudsjettet
Tilskota vert dekka med midlar tildelt fylkeskommunen over statsbudsjettet til breibandutbygging, og fylkeskommunale midlar frå næring sitt budsjett 2022. Summane er maksimaltilskot og kan bli justert når endeleg kontrakt for utbygginga ligg føre. Fylkeskommunen skal koordinere anbodsprosessen for dei aktuelle kommunane, før det blir inngått utbyggingskontraktar mellom den enkelte kommune og breibandsleverandøren som vinn anbodet.
Desse kommunane får midlar til breibandutbygging av hovudutval for næring:
Desse kommunane får ekstra midlar av fylkestinget:
