Frivilligåret 2022 i Vestland

På denne sida får du informasjon om komande tiltak i Frivilligåret 2022 i Vestland.

Aktuelle tiltak

• Ny tilskotsordning for styrking av frivillig sektor i Vestland
• Ny tilskotsordning for utvikling av lokal frivilligpolitikk
• Den første Frivilligprisen Vestland gjekk til turboklubbane til Bergen og Hordaland turlag og vart delt ut for første gong i frivilligåret. Med denne prisen vil fylkeskommunen heidre ein initiativrik person, organisasjon, gruppe eller foreining, som har utmerka seg med frivillig innsats til beste for medmenneska og samfunnet i Vestland, anten over lengre tid eller i eit tidsavgrensa prosjekt.

Tidlegare i vår lyste fylkeskommunen ut 500 000 kr i tilskot i samband med Frivilligåret 2022. Hovudutval for kultur, idrett og integrering fordelte midlane 24. mai. Saman med 800 000 kr til prosjekt og tiltak i det frivillige kulturlivet, vart det løyvd til saman 1,3 millionar kroner til frivillig organisasjonsliv i Vestland denne dagen.

I juni samla vi representantar frå frivilligheita i fylket til ein eigen frivilligkonferanse i Sogndal. Også den store, årlege kulturkonferansen hadde frivilligheit som tema, og vi søkte svar på desse tre spørsmåla:

• Kvar står frivilligheita i eit samfunn i endring, og kva er vegen vidare?
• Korleis kan vi styrke frivillig arbeid og få alle med?
• Korleis få betre samhandling mellom frivilligheita, profesjonelle og det offentlege?

Samarbeidskomité

Fylkeskommunen har fått med seg paraplyorganisasjonane for frivillig sektor i arbeidet med å planlegge Frivilligåret 2022 i Vestland. I samarbeidskomiteen for frivilligåret sit

• Vestland fylkeskommune
• Vestland idrettskrets
• Vestland musikkråd
• Forum for Natur og Friluftsliv
• Vestland innvanderråd
• Funksjonshemmedes Fellesorganisasjon (FFO) Vestland
• Vestland frivilligsentralar
• Voksenopplæringsforbundet Vestland
• Samarbeidsforumet av funksjonshemmedes organisasjoner (SAFO)